DILI,08 fevereiru 2024 (TATOLI)— Organizasaun Mundiál Saúde (OMS) iha Timor-Leste apoiu pakote Medikamentu Emerjénsia ba Ministériu Saúde liuhusi Institutu Nasionál Farmasia, Produsaun no Medikamentu (INFPM) hamutuk 121 item hodi responde ba jestaun kazu emerjénsia sira.
OMS Timor-Leste, ohin, entrega ona pakote ai-moruk médiku emerjénsia nian ba jestaun kazu sarampu sira ne’ebé todan. Inklui, ai-moruk esensiál, materiál no ekipamentu ba jestaun klinikál ba kazu sira ne’ebé suspeitu no grave.
“Ami sente orgullu tanba bele servisu hamutuk ho Ministériu Saúde hodi apoiu no haforsa servisu INFPM nian no ohin loron ai-moruk ne’ebé ami fó mak ita bolu naran ai-moruk emerjénsia oinsá atu jere kazu sira ne’ebé mak emerjénsia sira, maibé foku liu ba moras sarampu,” Reprezentante OMS iha Timor-Leste, Arvind Mathur, informa, bainhira ramata entrega medikamentu iha salaun INFPM, Kampu Alor, Dili, kinta ne’e.
Arvind Mathur esplika, durante ne’e Timor-Leste livre ona husi sarampu, maibé presiza antisipa ai-moruk sira ne’e bainhira kazu mosu fila fali oinsá bele jere, entaun ho apoiu ida ne’e bele rezolve.
“Ita nafatin preparadu ba sarampu ida ne’e maske TL livre ona, maibé aimoruk ida ne’e bele uza mós ba iha kazu emerjénsia sira seluk,” nia informa.
Medikamentu item 121 sira ne’ebé OMS apoiu mak hanesan Cannula 22G, Adhesive tape 2.5cm x 5m, Z.O.P. white, Blanket, survival, 220 x 140cm, Tape, Measuring, Arm Circumference, (MUAC), child,coloured, I.V. Cannula 24G, w/port, w/wings, Gloves examination, nitrile, blue, small, powder free, Face mask, with ear loop, 3-ply, Type , Test strips (urine), protein + PH + Glucose, Amoxycillin 125mg/5ml+Clavulanic Acid 31.25mg/5ml,100ml,pfs, Ceftriaxone 250mg, powder for injection, Pyrantel 50mg/ml, 10ml, as Pamoate susp. liq., Benzylpenicillin Sodium 1M IU, powder for injection.
Oral Rehydration Salts 42g eq to 1L, WHO Formula (Resomal), Paracetamol 120mg/5ml, 60ml, solution liq., Vitamin A 200.000IU (Retinol), Vitamin A 100.000IU (Retinol), Ampicillin 500mg as Sodium, powder for injection, Metronidazole 200mg/5ml,100ml, as Benzoate, powder for susp, Miconazole Nitrate 2%, 30g, cream, Zinc Oxide 10%, 100g, ointment, Chlorhexidine Gluconate 5% w/v, 1L, Dextrose (Glucose) 5%, 250ml.
Cotrimoxazole 120mg, Cloxacillin 250mg, Ciprofloxacin 250mg, film-coated, Erythromycin 125mg/5ml, 100ml as Ethyl Succinate, pfs, Dextrose (Glucose) 50%, 50ml, Ciprofloxacin 250mg, film-coated.
“Medikamentu sira ne’e inklui mós ai-moruk vitál no mós esensiál sira ne’ebé durante ita-nia fasilidade saúde sira uza halo atendimentu ba pasiente sira,” nia relata.
Nune’e, Vise-Ministru Saúde ba Operasionalizasaun Ospitál (VMSOO), Flávio Brandão Mendes de Araújo, hateten, “Ami agradese OMS ba parseria no komitmentu sira hodi hadi’a saúde públika iha ita-nia rain, ho apoiu sira ne’e bele responde nessidade pasiente nian”.
Nune’e mós Diretór INFPM), Brigido Dias, hateten, ai-moruk pakote ne’ebé mak OMS apoiu ne’e atu apoiu ba kazu emerjénsia sira liuliu kazu sarampu sira inklui kazu emerjénsia seluk.
Nia esplika, moras Sarampu hanesan moras respiratoriu viral ida ne’ebé iha sintoma sira hanesan inus-been, mear, matan-been sai no matan-mean, no sinál mutin-mutin iha hasan-laran.
Sarampu ne’ebé sériu dalabarak akontese ba labarik ne’ebé má nutrisaun, liuliu hirak ne’ebé iha difisiénsia vitamina A, ka sira ne’ebé imunidade la forte tanba sofre HIV ka moras seluk.
Sarampu ne’ebé grave mós inklui infesaun respiratóriu, diáreia grave no dehidrasaun, atake, matan-delek, no encefalitis. Ema barak ne’ebé mate tanba moras sarampu ne’e kauza husi komplikasaun hirak-ne’e. Tanba ne’e vasinasaun mak dalan di’ak liu atu prevene moras sarampu.
Notísia relevante:OMS sertifika Timor-Leste susesu elimina moras sarampu
Jornalista: Felicidade Ximenes
Editór: Rafael Ximenes de A. Belo
