iklan

EKONOMIA, HEADLINE

APORTIL, I.P kontratu tripulante na’in-12 ba ró-ahi Berlin-Ramelau

APORTIL, I.P kontratu tripulante na’in-12 ba ró-ahi Berlin-Ramelau

Ró-ahi Berlin-Ramelau atraka iha Portu Dili, sesta (10/12/2021). Imajen Tatoli/António Gonçalves

DILI, 09 fevereiru 2024 (TATOLI)—Autoridade Portuáriu Timor-Leste, Institutu Públiku, (APORTIL, I.P), tinan ne’e, kontratu tripulante na’in-12 hosi Indonézia hodi halo serbisu iha ró-ahi Berlin-Ramelau.

Prezidente APORTIL, I.P, Feliciano da Costa Correia, hateten, antes ne’e iha duni tripulante timor-oan maibé sira-nia sertifikadu espiradu iha loron 31 dezembru 2023 no tinan ne’e la estende kontratu.

“Tuir regulamentu tripulante sira ne’ebé serbisu iha ró-ahi tenke iha sertifikadu válidu, ita halo komparasaun lori karreta no motór karik tenke iha karta kondusaun válidu, ho razaun sira ne’e mak ita la estende sira-nia kontratu mai iha tinan ne’e,” Feliciano da Costa, informa ba Agência Tatoli, iha ninia knaar fatin, Portu Dili, sesta ne’e.

Notísia relevante : Deputada PD husu investiga tripulante ró Berlin Nakroma-Ramelau

Diresaun Jestaun Tribulasaun antes ne’e fó ona informasaun katak iha períodu ró-ahi Berlin-Ramelau ba halo manutesaun iha Indonézia ne’e sira tenke halo moris ona sertifikadu maibé to’o tinan ne’e seidauk halo.

Tripulante sira ne’ebé daudaun serbisu iha ró-ahi Berlin Nakroma hamutuk 19 no Berlin-Ramelau 17.

“Ita kontratu na’in-12 ne’e tanba serbisu turnu, tanba tripulante nia serbisu lori ró tuir rota ne’ebé iha nomós bá Indonézia,” nia akresenta.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!