iklan

POLÍTIKA

Komisaun A rona preokupasaun konfisaun relijiozu kona-ba rekoñesimentu kazamentu

Komisaun A rona preokupasaun konfisaun relijiozu kona-ba rekoñesimentu kazamentu

Deputadu Patrocínio dos Reis Fernandes. Imajen/Espesial.

DILI, 09 fevereiru 2023 (TATOLI)—Komisaun A trata asuntu Justisa no Konstituisionál iha Parlamentu Nasionál (PN), rona preokupasaun hosi konfisaun relijiozu sira hanesan Musulmanu, Protestante, Indu no sira seluk tan kona-ba rekoñesimentu kazamentu.

Notísia Relevante: Tempu ona PN altera kódigu sivíl rekoñesimentu kazamentu ba relijiaun seluk

Prezidente Komisaun A trata asuntu Justisa no Kontituisionál iha PN, Deputadu Patrocínio dos Reis Fernandes, hateten Komisaun A iha `kinta (08 fevereiru 2024) lorokraik simu audiénsia hosi reprezentante konfisaun relijizaun sira-ne’e hodi hato’o sira-nia preokupasaun kona-ba rekoñesimentu kazamentu.

“Komunidade relijioza iha Timor hanesan musulmanu, Indu, protestante mai hato’o sira ninia preokupasaun kona-ba komunidade ne’e liuliu sira-nia oan sira defísil atu asesu tratamentu Estadu nian hanesan sertidaun RDTL, billete identidade. Ne’e tanba iha kódiku sivíl hateten kriteiru sira atu rekoñese dokumentu sira referénsia hodi bele trata rekoñese dokumentu sira-ne’ebé sai hosi igreja katólika, entaun sai hanesan sira preokupa,” Prezidente Komisaun A ne’e hateten ba jornalista sira iha uma fikun PN, sesta ne’e.

Tanba ne’e, nia hato’o ba komisaun katak sira sente asisténsia Estadu nian liuliu ba asisténsia públiku sira hanesan ne’e, sira sente deskriminasaun ho ezisténsia kódiku sívil atuál ne’ebé iha.

Nune’e, komisaun A trata ba asuntu lei ne’ebé atu halo lei ko’alia kona-ba grupu sira-ne’e presiza iha diskusaun kle’an rona ema barak.

“Entaun komisaun sei la fó resposta no rona de’it depois mak oinsá atu halo diskusaun ho Deputadu sira hosi komisaun seluk, nune’e harer kestaun ida-ne’e,” nia hateten.

Tanba ne’e, problema Estadu nian liuliu direitu sidadaun ida-nian sira sente preokupadu ladún hetan valorizasaun lei ezistente ne’ebé iha, maibé presiza audiénsia rona ema barak liután bele haree diskusaun, tanba ne’e komisaun A rona de’it sira-nia preokupasaun.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!