iklan

NASIONÁL, DILI, HEADLINE, SAÚDE

Profisionál Saúde hanesan vokasaun atende pasiente sira

Profisionál Saúde hanesan vokasaun atende pasiente sira

Padre Angelo Salsinha fó bensaun no fahe prezente ba ema moras sira hafoin selebrasaun misa agradesimentu Loron Internasionál Ba Ema Moras Sira iha Hospitál Nasionál Guido vVladares, Bidau, Dili, segunda (12 fevereiru 2024). Imajen Tatoli/Jesuína Xavier.

DILI, 12 fevereiru 2024 (TATOLI)–Governu liuhosi Ministériu Saúde (MS), tersa ne’e, realiza misa agradesimentu ba Loron Mundiál Ba Ema Moras ba dala-XXXII iha Hospitál Nasionál Guido Valadares, Dili.

Selebrasaun loron mundiál ne’e ho tema “Não é Coveniente que Homen Esteja Só (Gen 2,18), “Cuidar do Doente, Cuidando das Relações”.

Padre selebrante, Angelo Salsinha, hateten atendimentu profisionál saúde ba ema moras nu’udar vokasaun no xamamentu Maromak nian hodi atende ema moras sira.

“Profisionál saúde sira buat ne’ebé la’ós pertense ba sira hanesan, la’ós nian ha’u halai, ha’u lakohi haree sofrementu, ha’u lakohi ema mate, lakohi haree ema-nia raan, lakohi haree moras aat sira maibe ne’e ha’u lahakribit, tanba-ne’e la’ós ha’u-nian maibé ne’e vokasaun ida samamentu maromak nian,” Pe. Angelo Salsinha, hateten liuhosi omilia bainhira prezide misa agradesimentu Loron Munsiál ba Ema Moras iha HNGV, Bidau.

Padre Angelo Salsinha fó bensaun no fahe prezente ba ema moras sira hafoin selebrasaun misa agradesimentu Loron Internasionál Ba Ema Moras Sira iha Hospitál Nasionál Guido vVladares, Bidau, Dili, segunda (12 fevereiru 2024). Imajen Tatoli/Jesuína Xavier.

Tanba, nia dehan, situasaun hanesan profisionál saúde sira mak hatene kuidadu no tau matan ba ema kbiit laek no folin laek sira liuliu ba pasiente sira, tanba iha situasaun sira defisil ne’e profisionál saúde mak bele haree mundu ne’e ho matan ne’ebé diferensa.

“Imi kompreende mundu ho vida ida-ne’ebé úniku, kuida, proteje, guarda, enkoraja ho esperansa, ida-ne’e mak la mate atu kuiadadu vida ida hanesan ne’e. Vizaun ba ita-nia aan tenke klaru. Ha’u la dúvida kona-ba ha’u-nia profisaun, primeiru ha’u koko ema-ne’ebé rahun di’ak, iha vida, espasu tempu, unidade vokasaun ne’ebé ha’u ezerse ne’e Maromak nian,” nia dehan.

Padre ne’e fó ezemplu, intervensaun Nossa Señora nia iha festa Canaan iha Galileia hodi ajuda ema festa na’in, wainhira tua hotu.

“Ohin, konkretu nia tama iha problema kazamentu Canaan Galileia, komuñaun iha problema. Sé mak primeiru komprende kazamentu Galileia nian, Na’in feto. Na’in feto ho kompaixaun no domin, fuan inan nian, hatene kous, halo sakrífisiu komprende no rona. Nia dehan ba sé, ita ko’alia kona-ba komunikasaun, relasaun no parseria advokasia no komuñaun lao hamutuk. Na’in feto husu ba Jesus, sira tua laiha, maibé Jesus hatan sira ralasaun saida ho ha’u, ha’u tempu seidauk to’o. Nia la dehan tempu, maibé la’o ba dehan ema, imi halo tuir de’it saida mak nia haruka. Ida-ne’e mak tama iha ralasaun no kontaktu umanidade. Jesus haruka enxe bee ba teko,” nia dehan.

Hahú Maromak iha kriasaun, Maromak lahalo adão mesak tanba ladi’ak entaun kria nia parseria ida no parseiru di’ak ida, belun di’ak ida atu kuidadu malu, proteje malu no tulun malu halo vida ida sai furak. Tanba ne’e, Maromak kria tan ruin ida hosi ema-nia isin atu sai belun ba malu iha mundu no planeta ida-ne’e.

Nia esplika, sé mak bele tutan lasu amizade ida-ne’e, iha situasaun sira-ne’ebé defisil iha nia vida, ée mak enkoraja lori Maromak nia fatin dehan katak Maromak salva, tulun, perdua ba vida ne’e ho ksolok, furak no kmanek mak médiku sira.

Nia konsidera, profisionál saúde sira mak servisu lori Maromak nia fatin, iha frazilidade umana, sofrimentu mundu ninian, tanba ne’e mak ohin loron ba Maromak nian.

Diretór Ezekutiva Hospital Nasionál Guidu Valadares (HNGV, sigla portuges), Cecilia Mendonça, hateten ho tema selebrasaun ida ne’e signifika katak mak ema ida sei la komfortavel vainhira nia moris mesak maibé presiza ema seluk nia tulun.

“Mai ita pesoál saúde katak ita-nia prezensa importante tebes ba pasiente sira-ne’ebé iha HNGV, tanba pasiente sira presiza tebes ita-nia akompañamentu ne’ebé másimu hodi fó kuidadu ho dignu no seguru, atu nune’e labele husik moras ida mesak, tulun sira ho fuan no domin atu sira bele sente katak ita-nia prezensa ne’e folin liu ba sira,” diretora ne’e hateten.

Nia konsidera, serbí ema ho proximidade entre profisionál saúde ho ema moras di’ak-liu aimoruk no ekipamentu ne’ebé sofistikadu.

Diretora ne’e hateten, HNGV agradese tebes ba médiku espesialista no médiku jerál sira, emfermeiru, parteira no tékniku aliadu sira hotu nia servisu di’ak hodi hatudu katak pasiente barak mak hetan ona salvasaun iha HNGV, maske sira sei enfrenta hela dezafiu oioin.

Iha fatin hanesan, Vise-Ministru Saúde ba Fortalesimentu Institusionál Saúde, José dos Reis Magno, husu profisionál saúde sira atu mantein servisu ho di’ak, maske sei iha dezafiu rekursu. “Tem compaixão e ternura” ba kuidadu saúde.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!