iklan

POLÍTIKA

KFP sei aprezenta proposta-lei reforma obrigatóriu ba funsionáriu públiku

KFP sei aprezenta proposta-lei reforma obrigatóriu ba funsionáriu públiku

Prezidente CFP Agostinho Letencio de Deus. Imajen Tatoli/Egas Cristovão

DILI, 13 fevereiru 2024 (TATOLI)—Prezidente Komisaun Funsaun Públika (KFP), Agostinho Letêncio de Deus, hateten daudaun ne’e KFP prepara hela proposta-lei reforma obrigatóriu ba funsionáriu públiku hodi submete ba Governu no Governu sei haruka ba Parlamentu Nasionál (PN) atu aprova.

Notísia Relevante: Komisaun A husu Governu aprezenta proposta-lei reforma obrigatóriu ba FP

Antes aprezenta proposta-lei reforma obrigatóriu ba Governu liuhosi Konsellu Ministru no Parlamentu Nasionál, mak daudaun ne’e KFP iha programa ida hodi halo diagnóstiku iha kada liña ministériál hodi indetifika problema saida de’it iha baze, nune’e ida-ne’e atu apoiu KFP nia planu tinan lima (5) nian inklui reforma obrigatóriu ne’e.

“Ami sei ba aprezenta iha Konsellu Ministru hodi hetan aprovasaun mak sei husu fali autorizasaun ba Parlamentu Nasionál, liga ho dekretu ne’ebé liga ho reforma ninian. Entaun, ida-ne’e iha hela prosesu, maibé ami tenta para tinan ida-ne’e se posível hetan ona aprovasaun hosi Konsellu Ministru, tantu Parlamentu liga ho reforma obrigatóriu,” Prezidente KFP ne’e hateten liuhosi programa I” Entrevista Eskluziva” iha estúdiu Agência Tatoli, Faról, tersa ne’e.

Dirijente másimu KFP ne’e hateten, KFP haree hela diskusaun ho Ministériu Finansa no Instititutu Nasionál Seguransa Sosiál (INSS) atu haree kona-ba sira-nia reforma ne’e iha netik direitu renumerasaun ka subsídiu ruma hodi reforma ho didi’ak, ne’e la inklui sira-nia pensaun ne’e la’o nafatin.

Bazea ba dadus, daudaun ne’e KFP rejista funsionáriu públiku permanente iha rihun 37 no kuaze funsionáriu idade 60 tama ona reforma ne’e iha 4000-resin, maiória ho númeru 2000 hosi Ministériu Edukasaun hanesan manorin na’in.

Notísia Relevante: KFP husu PN inísia lejislasaun reforma obrigatória ba funsionáriu públiku

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!