iklan

POLÍTIKA

PN autoriza PR Horta hala’o vizita Estadu ba EAU no Laos

PN autoriza PR Horta hala’o vizita Estadu ba EAU no Laos

Prezidente Repúblika, José Ramos Horta. Imajen Tatoli/Egas Cristóvão

DILI, 19 fevereiru 2024 (TATOLI)—Parlamentu Nasionál (PN), segunda ne’e, liuhosi reuniaun plenária aprova pedidu autorizasaun asentimentu dezlokasaun vizita Estadu Prezidente Repúblika (PR), José Ramos Horta, ba Emiradu Árabe Unidu (EAU) ho Repúblika Demokrátika Populár Laos ho votu a-favór 33, kontra lima (5) no abstensaun 14.

Presidente Parlamentu Nasionál, Maria Fernanda Lay. Imajen Tatoli/Egas Cristóvão

“Ne’ebé, pedidu husi Prezidente Repúblika pasa,” Prezidente Parlamentu Nasionál, Maria Fernanda Lay, hateten iha sala plenária.

Tuir karta hosi Xefe Kaza Sívil Prezidénsia Repúblika solisita ba PN nesesáriu konsentimentu Prezidente Repúblika hodi realiza dezlokasaun ho natureza ofisiál ba Emiradu Árabe Unidu (EAU) entre iha loron 24 no 27 fulan-fevereiru tinan 2024.

Tuir ajenda, Xefe Estadu nian sei partisipa iha simeira Organizasaun Mundiál Komérsiu (OMK) ne’ebé sei hala’o iha Abudabi iha 26 fevereiru tinan 2024.

Enkuantu Prezidente Repúblika hala’o vizita Estadu ba Repúblika Demokrátika Populár Laos, entre loron 28 fevereiru no 04 marsu 2024.

Enkuantu Parlamentu Nasionál tuir termu númeru 1 artigu 80 no alínea h) númeru 3 artigu 95 konstituisaun fó asentimentu dezlokasaun Prezidente Repúblika.

Notísia Relevante: Prezidente EAU aseita pedidu PR Horta harii rezidénsia universitáriu iha TL

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!