iklan

NASIONÁL, EKONOMIA, HEADLINE

IPK grupu hotu tun -0,4% iha janeiru 2024

IPK grupu hotu tun -0,4% iha janeiru 2024

Vendedór sira fa’an produtu lokál iha merkadu tradisionál, Taibesi, sesta (19/01/2024). Imajen Tatoli/António Daciparu

DILI, 20 fevereiru 2024 (TATOLI)–Institutu Nasionál Estatístik Timor-Leste, Institutu Públiku (INETL, I.P) lansa relatóriu mudansa persentazen Índise Presu Konsumidór (IPK) ba janeiru 2024, ne’ebé hatudu grupu hotu tun -0,4%, kompara ho dezembru 2023 sa’e +0,3%.

“Mudansa presu grupu hotu -0,4% tanba hetan kontribuisaun hosi grupu hahan no bebida la’ós alkoólika -0,4%, alkoólika no tabaku –0,9%, transporte -0,9%, hatais no sapatu -0,8%, ekipamentu no manutensaun mobiliáriu uma-laran -0,7%. Maibé grupu rekreasaun no kultura +1,5%, no edukasaun +2,0% sai hanesan mudansa kontráriu ba inflasaun grupu hotu,” Prezidente INETL, I.P, Elias dos Santos Ferreira informa, hafoin lansa relatóriu mensál iha edifísiu Caicoli, kuarta ne’e.

Grupu hahan no bebida la’ós alkoólika tun -0,4% tanba hetan impaktu maioria hosi sub grupu modo-tahan -1,4%, masin-midar, marmelada, bani-been, xokolate no hahan midar -2,7%, ikan no hahan tasi -2,1%, susu-been, keiju no manutolun -1,6%, naan -0,4%, mina no bokur -0,5% no Ai-fuan -0,7%. Sub grupu foos +1,4%, bee, bebida jus Ai-fuan +2,3% no produtu ai-han +0,5% sai hanesan mudansa kontráriu ba inflasaun grupu hahan no bebida la’ós alkoólika.

Notísia relevante : IPK grupu hotu sa’e +0,3% iha dezembru 2023

Nia esplika, mudansa persentajen IPK anuál sa’e +4,3% kompara entre janeiru 2024 ho janeiru 2023, hetan kontribuisaun hosi grupu hahán no bebida la’ós alkoólika +7,4%, alkoólika no tabaku +6%, edukasaun +2%, no hatais no sapatu +1,5% ba anuál janeiru 2024.

Grupu transporte -3,6%, ekipamentu no manutensaun mobiliáriu uma-laran -2,9%, uma -1,5%, hatais no sapatu -0,1% no komunikasaun -0,3% sai hanesan mudansa kontráriu ba inflasaun grupu hotu.

Inflasaun tradeable tun -0,4% no non-Tradeable mós tun -0,1% iha mensál, kompara entre janeiru 2024 ho dezembru 2023. Nune’e, inflasaun tradeable sa’e +5,7% no non-tradeable mós sa’e +0,8% iha anuál, kompara entre jeneiru 2024 ho janeiru 2023.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!