iklan

NASIONÁL, INTERNASIONÁL, DILI, HEADLINE, POLÍTIKA

Tempu besik, Governu destaka tékniku trata passaporte-protesaun sidadaun timoroan iha diaspora

Tempu besik, Governu destaka tékniku trata passaporte-protesaun sidadaun timoroan iha diaspora

Ministru Negósius Estranjeirus no Kooperasaun Bendito dos Santos Freitas Ministru Interiór Francisco da Costa Guterres Ministru Justisa foun Sergio de Jesus Fernandes da Costa Hornai, iha Palásiu Prezidensiál, Bairru-Pité, kinta (22/02). Imajen Tatoli/Egas Cristóvão

DILI, 22 fevereiru 2024 (TATOLI)-Prezidente Repúblika (PR), José Ramos Horta, kinta ne’e, hasoru malu ho Governante na’in tolu hanesan, Ministériu Negósiu Estranjeiru no Kooperasaun (MNEK), Ministru Justisa (MJ), Ministru Interiór no Parseiru Internasionál (IOM) hosi Organizasaun Internasionál Migrasaun hodi ko’alia kona-ba atendimentu passaporte no protesaun ba sidadaun sira iha diaspora.

“Xefe Estadu bolu Ministériu tolu hamutuk ho IOM hodi ko’alia kona-bá  estabelesementu tékniku hodi halo passaporte nian iha Embaixada  iha Inglaterra, Austrália, Korea Súl no Irlandia, hodi bele atende timor-oan sira iha ne’ebá nia passaporte mate la presiza mai halo renova to’o Dili no ko’alia mós oinsá bele halo protesaun ba ita nia sidadaun sira hasoru difikuldade iha rai li’ur,” MNEK Bendito Freitas, hatete ba jornalista sira iha Palásiu Prezidensiál, kinta ne’e.

Ministru ne’e dehan: “tempu besik Governu destaka ona tékniku sira hosi Ministériu Justisa ba iha Embaxada Timor-Leste nian iha nasaun hirak ne’ebé mensiona”, Governante ne’e afirma.

Timor-oan  hamutuk rihun-35 ne’ebé kada tinan hatama ona osan mai Timor-Leste hamutuk millaun $110 inklui Austrália no Korea Súl hamutuk millaun $170.

“Ne’e mak Governu tau atendimentu ida atu garante ba sira iha dezafiu liuliu passaporte, bainhira validade hotu tenke renova iha ne’ebá la presiza mai Timor,” nia katak.

Válida passaporte to’o tinan 10

Governante ne’e afirma Prezidente Repúblika nian hanoin kona-bá validade passaporte ba sidadaun sira to’o tinan 10 mak bele renova.

“Xefe Governu aseita ona ba oin Governu sei implementa kona-bá validade passaporte to’o tinan-10”, Ministru ne’e afirma.

Entretantu, Ministru Justisa aprezenta ona planu servisu kona-bá passaporte nian atu halo tan akizasaun rihun 150 hodi responde ba preokupasaun públiku.

Alende ne’e Xefe Estadu husu ba Ministériu Interiór atu tau atensaun ba iha liña fronteira atu nune’e sidadaun sira labele ultrapasa ilegál.

Notísia relevante: PR Horta: Governu tenke halo validasaun ba pasaporte to’o tinan 10

Jornalista: Hortencio Sanchez

Editór      : Florencio Miranda Ximenes 

iklan
iklan

Leave a Reply

iklan
error: Content is protected !!