iklan

NASIONÁL, HEADLINE, KAPITÁL

Hahú marsu, bus hotu halo sirkulasaun iha tempu loron

Hahú marsu, bus hotu halo sirkulasaun iha tempu loron

Xefe Departamentu Sekretariadu Apoiu Tékniku Administrasaun DNTT, Nelson Sequeira Martins. Imajen Tatoli/Francisco Sony

DILI, 23 fevereiru 2024 (TATOLI)Diresaun Nasionál Transporte Terrestre (DNTT) hamutuk ho Polísia Nasional Timor-Leste (PNTL) hasai ona sirkulár, katak hahú fulan marsu tinan ne’e, transporte públiku hanesan bus sira bele halo sirkulasaun iha tempu loron de’it.

“Ita hasai ona sirkulár iha loron 20 fevereiru no to’o agora kontinua halo sosializasaun ba motorista sira inklui komunidade hotu, katak hahú fulan marsu tinan ne’e, sei iha mudansa ba oráriu sirkulasaun bus Dili bá munisípiu no munisípiu mai Dili, viajen kalan altera ba viajen loron hotu,” Xefe Departamentu Sekretariadu Apoiu Tékniku Administrasaun DNTT, Nelson Sequeira Martins, informa ba Agência Tatoli, iha ninia knaar fatin, Caicoli, sesta ne’e.

Notísia relevante : Tránzitu Dili husu kumprimentu oráriu operasaun karreta tula kontentór

Oráriu sirkulasaun mak hanesan dadersaan tuku 06:00 sai hosi munisípiu orijen no lorokraik tuku 18:00 tenke iha ona destinasaun.

“Husu ba bus na’in, motorista no komunidade atu kolabora ho alterasaun oráriu ne’e, bainhira la kumpre mak sei fó sansaun tuir artigu 40 kódigu estrada nian sei selu koima hahú $45,” nia akresenta.

Sirkulár ne’e sai ona, nune’e hahú loron 01 marsu, membru Polísia sei kontrola hahú hosi nasionál to’o munisípiu, ne’ebé bainhira motorista sira kontra seguransa mak sei fó resivu hodi ba selu iha banku.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!