iklan

DESPORTU, DILI, HEADLINE, MANATUTO, MUNISÍPIU

Governu kontrata fali empreza Viqzum kontinua konstrui estádiu Manatuto

Governu kontrata fali empreza Viqzum kontinua konstrui estádiu Manatuto

Mega projetu Estádiu Munisipál Manatuto, 03/12/2019. Imajen Tatoli/Joanico de Araújo

DILI, 01 marsu 2024 (TATOLI) – Governu liuhosi Ministériu Juventude, Desportu, Arte no Kultura (MJDAK) tau fali konfiansa ba empreza Viqzum Unipesoál, Lda hodi troka empreza Obrai hodi finaliza Estádiu Munisípiu Manatuto.

“Ita kontrata fali kompaña foun Viqzum Unipesoál, Lda mak kontinua halo fali obra estádiu Manatuto to’o finaliza . Kompaña  Obrai ita hapara ona kontratu,” Diretora Nasionál Patrimóniu Dezenvolvimentu Infrastrutura MJDAK, Maria Luisa Monteiro, informa ba Agência TATOLI iha Dili, sesta ne’e.

Notísia relevante: Mega Projetu Estádiu Munisipál Manatuto atrazu

Nia dehan razaun Governu kontrata fali empreza Viqzum hodi substitui kompaña anterior tanba na’in ba empreza hakotu ona pregrinasaun iha mundu ne’e. Nune’e Governu hakarak kompañia foun bele aselera lalais no bele finaliza fali konstrusaun refere.

“Ita fó kontratu ba kompaña foun ho nia durasaun fulan neen. Ita kontinua de’it ho osan restu ne’ebé uluk iha,” nia afirma.

Estádiu ne’e konstrui hosi kompaña lokál Obrai Unipesoál Lda ho orsamentu Estadu ne’ebé prevee hosi fundu infraestrutura ho valór milaun $2.363.976,44, ne’ebé Governu konsege selu ona 60%, maibé seidauk termina kompañia abandona iha 2016 liu-ba.

Tanba, haree laiha progresu Governu deside hapara kompañia nia atividade, maibé iha 2017 to’o 2018 kompaña iha mudansa ba estrutura no Governu fó nafatin konfiansa ba kompañia atu kontinua obra to’o ohin loron ho orsamentu adisionál hamutuk $184.741,35 ho kontratu fulan-ualu hahú hosi fevereiru-setembru 2022, maibé to’o agora paradu hela.

Tuir kontratu foun ne’ebé Governu halo ho kompañia ho osan restu ne’ebé sei iha no adisionál hamutuk $600.000 mak fó ba kompañia hodi kontinua obra ne’e.

Notísia relevante:  Konstrusaun Estádiu Munisipál Manatuto atinje ona 83%

Jornalista: Hortencio Sanchez

Editór   : Florencio Miranda Ximenes

iklan
iklan

Leave a Reply

iklan
error: Content is protected !!