iklan

INTERNASIONÁL, DILI, HEADLINE

MNEK rejeita ró Japaun “Yushin Maru” foti ikan iha tasi Timor

MNEK rejeita ró Japaun “Yushin Maru” foti ikan iha tasi Timor

DILI, 04 marsu 2024 (TATOLI)- Diretór Jerál ne’ebé trata asuntu Bilaterál iha Ministériu Negósiu Estranjeiru no Kooperasaun (MNEK), Francisco Dionisio Maucura, informa karak ró Yushin Maru hosi nasaun Japaun ne’ebé atraka iha Portu Dili loron hira ba kotuk  la’ós mai ka’er ikan iha Tasi Timor, maibé hetan autorizasaun hosi Governu atu halo peskiza.

Imajen/espesiál“Ró ne’e ita mak fó lisensa, ró ne’e sientista sira hosi Jaaun ba halo peskiza iha tasi Antartika besik nasaun Dinamarka nia sorin. Bainhira sira atu fila ona ba Japaun mak sira husu atu halo tranjit ka atrraka de’it iha Portu Dili, Timor, hodi sira bele ense mina ba ró no hola ai-han balun”, Maucura hatete ba Agência TATOLI iha edifisiu MNEK Dili, segunda ne’e.

Diretór ne’e hato’o asuntu ne’e hodi responde no rejeita informasaun ne’ebé espalla iha rede sosiál katak ró refere mai kasa ka kain ikan baleia iha tasi Timor.

“Informasaun ne’ebé dehan sira mai halo peska ba ikan baleia ne’e hanoin laloos, sira mai ne’e atu tranjit de’it depois fila fali ba Japaun, sira mai iha ne’e ita fó loron tolu de’it, ohin madrugada sira fila ona ba Japaun. Durante sira para ka atrraka iha ne’e mós selu taxa ba Estadu hatama osan ba ita nia Portu,” nia hatete.

Nia dehan, bainhira MNEK autoriza hetan konfirmasaun ho Ministériu Transporte Komunikasaun (MTK), Ministériu Agrikultura Peska, Ministériu Interiór ne’ebé liga ho migrasaun mak ró ne’e foin atrraka.

Durante atrraka, nia dehan siéntista na’in haat deside tuun atu halo fali viajen ho aviaun no Timor-Leste garante viza ba siéntista na’in tolu ne’e, nune’e ohin aranka ona ba Japaun.

“Sira mai atrraka iha ita nia Portu tanba Governu Japaun rasik mak husu mai ita atu bele ajuda sira hodi sira nia ró iha ita nia Portu ense kombustivél sosa ai-han balun pois mak sira liu ba Japaun. Ita tenke koopera tanba ita nasaun ida ne’ebé relasaun di’ak tebes ho Japaun, Japaun mós apoiu ita iha área oioin ba ita nia dezenvolvimentu,” nia konklui.

Jornalista: Hortencio Sanchez

Editór   : Florencio Miranda Ximenes

iklan
iklan

Leave a Reply

iklan
error: Content is protected !!