iklan

COVALIMA, HEADLINE

Ema ho defisiénsia 54 iha Tilomar simu nesesidade bázika

Ema ho defisiénsia 54 iha Tilomar simu nesesidade bázika

Administradór posto Tilomar, Venâncio Sarmento, entrega foos ba ema ho defisénsia iha sede suku Maudemo. Imajen/Celestina Teles.

COVALIMA, 05 marsu 2024 (TATOI) – Autoridade postu administrativu Tilomar no Organizasaun Klibur Dezenvolvimentu Sustentavel Timoroan (KDESTO) disponibiliza nesesidade bázika ba ema ho defisiensia hamutuk 54 iha suku Maudemo, munisípiu Covalima.

Administradór posto Tilomar, Venâncio Sarmento, hatete programa fó apoiu nesesidade bázika husi KDESTO ne’e hatudu ezemplu di’ak, tanba sira ho kondisaun defisiente ho fuan boot ajuda maluk defisiénsia sira.

“Labele haree kuantidade nesesidade bázika ne’ebé mak ohin halo distribuisaun. Maske uitoan bele responde ba nesesidade loron ida ka rua”, autoridade Tilomar hatete iha sede suku Maudemo, ohin.

Diretór KDESTO, Alfredo dos Santos, esplika katak distribuisaun nesesidade bázika ne’e liuhusi programa vizita espesiál ba ema ho difisénsia sira no halo karidade, nune’e sira mós tenke moris di’ak.

“Apoia nesesidade bázika tuir kbiit ne’ebé iha, hanesan kada ema ida simu foos saku ida ho marka Manu Vitória kilograma 25 ho koto kilograma rua. Apoiu ne’e bazeia ba pedidu ne’ebé mak KDESTO hato’o  ba Sentru Solidariedade Sosial no Inkluzaun Covalima”, dehan.

Benefisiáriu António Amaral agradese ba tulun ne’ebé nia hetan, maibé nia sujere mós atu fó apoiu mina, supermie no nesesidade sira seluk.

Antes ne’e, KDESTO  distribui ona nesesidade bázika ba ema ho difisénsia hamutuk 36 iha suku Lour, posto Zumalai no 56 iha suku Beco, posto Suai.

Notísia relevante: Sentru Solidariedade Covalima distribui foos saku 399 ba família vulneravel

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!