iklan

NASIONÁL, HEADLINE, SEGURANSA

Motor elétrika no tumtum la priense rekizitu Lei Kódigu Estrada

Motor elétrika no tumtum la priense rekizitu Lei Kódigu Estrada

Motorista Tum-Tum hein hela pasajeiru iha área Tasitolu hodi halo operasaun Dili-Tibar ba-mai, segunda (17 jullu 2023).Imajen TATOLI/António Dasiparu

DILI, 12 marsu 2024 (TATOLI)-La priense rekizitu Lei Kódigu Estrada, Polísia Nasionál Timor-Leste (PNTL), Departamentu Tránzitu Rodoviaria Nasionál  sujere ba Governu atu hapara importasaun ba motor eletríka no tumtum tanba fasíl hamosu asidente tráfegu.

“Loos duni katak dadaun ita haree sirkulasaun motor elétrika iha kapitál Dili ne’ebé utiliza hosi labarik menór, dala ruma sira lori tama to’o estrada públiku. Ne’ebé liuhosi reuniaun liña ministeriál hanesan Ministériu Transporte no Komunikasaun, Ministériu Komérsiu no Indústria, Ministériu Finansa mak Autoridade Aduaneira, no Polísia Tránzitu. Ami-nia observasaun katak sirkulasaun motor elétrika ne’e sai ameasa ba labarik sira hodi sirkula iha dalan públiku, ne’ebé ami sujere oinsá hapara tiha lai importasaun ba motor elétrika ne’e”, Komandante Tránzitu Rodoviária Nasionál, Superintendente Luis da Costa, informa ba Agência Tatoli, iha nia knar fatin Kuartel Jerál PNTL Caicoli, tersa ne’e.

Notísia relevante : https://tatoli.tl/2024/01/26/dntt-seidauk-rejista-motor-eletrika-kiik-sira-sirkula-iha-dili/

Tuir kódigu estrada mós katak motor listrik ne’e latama iha kategoria atu bele halo sirkulasaun via públiku. Ne’ebé tuir kódigu estrada katak sirkulasaun iha estrada públiku ne’e mínimu ninia speed 45 más motor eletrika nian 35 de’it.

Komandante Tránzitu ne’e dehan, hakarak atu hatama maka tenke revee lei kódigu estrada.

“Motor elétrika ne’e tanba folin baratu entaun loron ba loron ema sei sosa barak no maioria utiliza hosi labarik ki’ik, no tama to’o estrada públiku depois hamosu dezastre, tanba ne’e maka Diresaun Transporte no Komunikasaun, Alfándega no MTK hodi haree situasaun ne’e”, nia esplika.

Polísia Tránzitu lamenta ho sirkulasaun motor eletríka tanba lei kódigu estrada transporte saida de’it atu sirkulasaun iha estrada públiku tenke iha dokumentu. Maibé motor eletríka ne’e kondús hosi labarik ki’ik.

Tumtum ne’e hamosu engarafamentu iha estrada públiku

Polísia Tránzitu mós husu atu hapara ona motor tumtum tanba hamosu engarafamentu.

“Tum-tum sai problema tanba sira ne’ebé kondús atu mai hasai karta kondusaun ho tipu saida. Ita lamenta situasaun ne’e iha enkontru liña ministeriál ne’ebé ita hein DNTT halo despasu legaliza tum-tum tanba durante ne’e laiha teste kona-ba ema sira utiliza tum-tum, sira uza karta kondisaun hosi motoriza baibain, ne’e tuir kódigu estrada ita viola tiha ona maibé atu haree ida ne’e kompeténsia DNTT, polísia tránzitu implementa de’it regra”, nia dehan.

Komandante Tránzitu Nasionál ne’e relembra katak, tum-tum iha tinan hirak liubá soke ema to’o mate, akontese iha Manatuto. Dadaun munisípiu haat mak eziste hanesan Manatuto, Liquiça, Lautém no Oé-cusse.

Jornalista : Antónia Gusmão

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!