iklan

NASIONÁL, EKONOMIA, HEADLINE

Governu klasifika no komersializa minerál estratéjiku

Governu klasifika no komersializa minerál estratéjiku

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (13/03/2024). Imajen Tatoli/Francisco Sony

DILI, 13 marsu 2024 (TATOLI)Ministru Petróleu no Rekursu Minerál, Francisco da Costa Monteiro, aprezenta proposta rua iha reuniaun ordinária Konsellu Ministru (KM) kuarta ne’e, no hetan ona aprovasaun.

“Proposta rua ne’e mak hanesan projetu dekretu-lei kona-ba klasifikasaun no komersializasaun minerál estratéjiku no rezolusaun Governu kona-ba interese partisipativu Timor GAP, E.P iha kontratu partilla produsaun PSC TL-OT-17-08 no PSC TL-OT-17-09,” refere nota ne’ebé Agência Tatoli asesu hafoin reuniaun ezekutivu, iha Palásiu Governu, kuarta ne’e.

Notísia relevante : ANP no HTS selebra kontratu fahe produsaun área rai-maran iha Viqueque

Dekretu-lei ne’e halo klasifikasaun minerál ne’ebé konsidera estratéjiku no estabelese regra ne’ebé bele aplika ba partisipasaun Estadu hodi hala’o ninia direitu mineiru no ba ninia komersializasaun.

Minerál sira ne’e klasifikadu hanesan estratéjiku bazeia ba kritériu ekonómiku, seguransa enerjétika no ekilíbriu ba balansa komersiál, perigozidade, raridade ka falta rekursu, defeza no seguransa, ka apoiu ba kreximentu indústria transformadora doméstika, liu-liu iha setór agrikultura, abitasaun no infraestrutura.

Aleinde ne’e, aumenta regra espesiál sira ne’ebé bele aplika ba partisipasaun Estadu hodi hala’o ninia direitu minerál no komersializasaun ba minerál estratéjiku sira tuir kódigu Mineiru.

Kona-ba interese partisipativu Timor GAP, E.P iha kontratu partilla produsaun PSC TL-OT-17-08 no PSC TL-OT-17-09, tanba interese públiku atu asegura no aselera produsaun rekursu petrolíferu ho dalan atu hetan fontes alternativa ba finansiamentu Fundu Petrolíferu.

Ho rezolusaun ida-ne’e, Governu aprova proposta ne’ebé aprezenta hosi Timor GAP, E.P hodi rezolve impase komersiál ho Timor Resources, kona-ba área kontratu partilla produsaun ne’e no autoriza Timor GAP, E.P no ninia subsidiáriu sira atu asina dokumentasaun komersiál hotu ka ho natureza seluk, ne’ebé presiza ba implementasaun proposta refere.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!