DILI, 15 marsu 2024 (TATOLI)–Vise-Ministru Fortalesimentu Institusionál Saúde, José dos Reis Magno, Ministériu Saúde, hateten Ministériu Saúde distirbui ona ekipamentu kombate dengue hosi parseiru GX Fondation hosi Xina ba Servisu Saúde Munisipál sira hotu.
Notisia Relevante: OMS rekomenda ba timoroan prevene moras dengue
“Ekipamentu ne’ebé ita nia parseiru hosi Xina GX Foundation agora distribui ona hospitál no sentru saúde sira no agora sira utiliza tiha ona,” Vise-Ministru, José dos Reis Magno, hateten ba Agencia Tatoli, hafoin entrega profisionál saúde ba diretór Servisu Saúde Munisipál iha Caicoli.
Apoiu parseiru sira-ne’e importante maibé atividade prevensaun kona-ba promosaun saúde kontinua lao atu populasaun labele moras.
Susuk baibain ne’e gosta bee moos iha tanke no bidon sira, tamba ne’e presiza taka metin no hamoos atu nune’e susuk labele tolun iha laran no hamate larva sira.
Atu kombate susuk sira-ne’e presiza halo fomigasaun, tanba ne’e mak MS prepara no iha sotck malation ba kombate dengue no distribuisaun abate ba populasaun.
Tuir nia, jestaun kliniku ospitalar mos la\o di’ak, ezemplu ida mak iha munisípiu Manatuto kazu dengue sa’e makaas, maibé profisional sira halo atendimentu di’ak no evita númeru kazu no mortalidade.
Diretór Servisu Saúde munisípiu Ainaro, Bendito de Araújo, afirma sira simu ona ekipamentu kombate dengue hodi GX fFundation.
“Apoiu mai sentru saúde haat, sentru saúde internamentu no postu saúde 23 ne’e kobre hotu. Ekipamentu nia funsaun hamate susuk no lalar sira,” Diretór Servisu Saúde munisipiu Ainaro, hateten ba Tatoli, liuhosi telefonika.
Diretór ne’e hateten. MS distribui ona ekipamentus sira-ne’e ba sentru no postu saúde sira no agora uza hela.
Apoiu sira-ne’ebé mak sira simu hosi GX Foundation mak hanesan rede moskitu, trampa lalar, dengue rapid test kids, lampu susuk hamutuk 2.094.
GX foundation hosi Xina apoia MS ho ekipamentu tonelada 10 inklui kilograma teste lalais 50,000, rede moskitu kama 500, ahi-oan moskitu 2,600 no surat-tahan aviaun 30,000 ba instalasaun médiku 360 inklui ospitál hotu-hotu.
Jornalista : Jesuína Xavier
Editór : Cancio Ximenes
