iklan

POLÍTIKA

Angela Maria substitui Deputada CNRT Veneranda Lemos

Angela Maria substitui Deputada CNRT Veneranda Lemos

Prezidente Autoridade Munisipál Baucau, Veneranda Eurico Marques Lemos Martins. Imajen Agência TATOLI/Natalino Belo.

DILI, 19 marsu 2024 (TATOLI)—Angela Maria Corvelo de Andrade Sarmento, tersa ne’e, substitui Veneranda Eurico Lemos Martins hosi Deputada bankada CNRT iha lejislatura daneen.

Notísia Relevante: Veneranda Lemos ofisialmente lidera Baucau

“Ho nune’e, ha’u konvida Deputada Angela Maria Corvelo de Andrade Sarmento, atu hola fatin. Seja bem-vindo, faz favór,” Primeira Vise Prezidente PN, Maria Teresinha Viegas, hato’o iha reuniaun plenária PN.

Tuir karta husi Xefe bankada CNRT ne’ebé Sekretária Meza PN, Virginia Ana Belo, lee sai iha plenária kona-ba asuntu subtituisaun Deputadu CNRT, hakarak informa ba Prezidente PN katak, Deputada Veneranda Eurico Lemos Martins, labele partisipa iha atividade Parlamentár tanba nomeada ona ba Prezidente Autoridade Munisipál Baucau, karta renúnsia mandatu iha anexu. Tanba ne’e, bankada CNRT submete subtituisaun ba Angela Maria Corvelo Andrade Sarmento, ho deklarasaun anexu.

Asuntu renúnsiu mandatu hosi Deputadu CNRT iha PN, konforme artigu 7 Estatutu Deputadu liga mós lei Eleitorál Parlamentu Nasionál no rejimentu PN kona-ba deklarasaun eskrita no presiza fundamenta motiva hosi renúnsia mandatu.

“Relasiona ho ida-ne’e, ha’u Veneranda Eurico Lemos Martins eleita ho númeru 15 iha lista eleisaun parlamentár tinan 2023 hosi partidu CNRT, hakarak deklara renúnsia ha’u-nia mandatu nu’udar Deputadu, tanba nomeadu hanesan Prezidente Autoridade Munisipál Baucau,” refere karta ne’ebé sekretária meza lee sai.

Asuntu aseitasaun Deputada Angela kandidatura identifikadu partidu CNRT iha eleisaun parlamentár 2023 hodi ho lista númeru 36 disponível hodi substitui Deputadu eleita Veneranda Lemos iha PN periódu lejislatura daneen.

Jornalista : Nelson de Sousa

Editór         : Cancio Ximenes

iklan
iklan

Leave a Reply

iklan
error: Content is protected !!