iklan

POLÍTIKA, SEGURANSA

Timoroan hotu presiza kontribui ba pás

Timoroan hotu presiza kontribui ba pás

Deputadu CNRT, Natalino dos Santos. Imajen Tatoli/Francisco Sony

DILI, 26 marsu 2024 (TATOLI)—Deputadu CNRT iha Parlamentu Nasionál (PN), Natalino dos Santos, apela ba joven timoroan hotu atu kontribui ba pás no estabilidade iha rai-laran, hodi bele hamutuk lori dezenvolvimentu nasaun ba oin.

Notísia Relevante: PNTL sei reune ho lider komunitária buka hatene joven tuda malu tempu kalan 

Deputadu membru komisaun B trata asuntu Negósiu Estranjeiru, Defeza ho Seguransa, hato´o kestaun ne´e nakait ho fenómenu membru arte marsiál no arte rituál iha territóriu nasionál halo desturbiu, tanba ne´e presiza intervensaun tuir lei nu’udar polítika reál prevensaun no kombate violénsia iha arte marsiál no rituál.

Nia hateten, presiza garante medida foun no medida legál nu’udar prioridade orden públika no transmisaun valór kulturál, istórika iha ita-nia sosiedade.

“Partisipasaun ativa ba hotu-hotu dezenvolve konkretiza liuhusi espesiál relevánsia perante monitorizasaun no kriminalizasaun ba konduta ne’ebé kontra prinsípiu no valór konstitusionál ba orden públika nasionál,” nia hato’o liuhusi intervensaun iha reuniaun plenária PN, tersa ne’e.

Nia dehan, medida sira seluk mak liuhusi reforma órgaun reguladór no kuadru jurídiku responsabilidade kriminál no kontra orden nasionál ne’ebé vigór.

Komisaun Reguladora Arte Marsiál (KRAM) iha artigu 8 iha lei númeru 5/2017, kriteiru integrasaun sosiál no edukasaun perante espesiál konsiderasaun periódu iha téknika balun.

Arte marsiál no arte rituál, respetivu dezviu finalidade naturál, KRAM permite maiór efikásia iha domíniu prevensaun no kombate violénsia iha arte marsiál no arte rituál.

Medida ne’e kolaborasaun no koordenasaun instituisionál ho entidade sira seluk governamentál permite monitorizasaun abrajente no efisiente ba atividade eventuál dezviante norma desportiva hosi arte marsiál no arte rituál.

“Fortalesimentu nu’udar órgaun reguladór, liuhusi previzaun legál ba kompeténsia foun prinsípiu fundamental orientadór no previzaun legál oioin husi parte Estadu, órgaun arte marsiál no rituál ba respetivu ajente partisipante no mós determina forma dever responsabilidade indivuál, koletiva ba defeza konduta sai exemplar iha sosiedade,” nia hateten.

No krusiál komisaun espesializada Parlamentu Nasionál reveza fortalese regulamentasaun ezistente relasiona prevensaun no kombate violénsia arte marsiál no rituál.

Aleinde konsidera posivel reforma uzu pose arma konforme dezatualizadu regulamentu UNTAET númeru 5/2001 adota rapidamente medida efikásia hamutuk ho Governu promove seguransa, estabilidade orden públika tempu badak garante bens estár ba komunidade hotu.

“Rekomenda ba reflesaun, analiza no antisipasaun instituisionál,” bia dehan.

Deputadu KHUNTO, António Ferreira, prekupa kestaun seguransa iha kapitál Dili, tanba akompaña iha semana ida-ne’e nia laran kuaze konflitu iha fatin-fatin ne’ebé mak rezulta joven barak kanek, no uma ho motor hetan estragu husi akontesimentu ida-ne’e.

“Ho akontesimentu hirak ne’e, kestiona tebes. Tanbasá mak joven sira sempre hamosu konflitu iha kapitál Dili, Ezemplu kazu asaltu malu iha Aimutin. Ne’eduni, husu ba Governu liuhusi ministériu relevante presiza haree didi’ak kona-ba akontesimentu ida-ne’e no presiza halo investigasaun kle´an hodi solusiona,’’ nia dehan.

Jornalista : Nelson de Sousa

Editór       : Cancio Ximenes

iklan
iklan

Leave a Reply

iklan
error: Content is protected !!