iklan

HEADLINE, MUNISÍPIU, OÉ-CUSSE (RAEOA)

Prezidente Repúblika selebra Páskua ho sarani sira iha Oé-Cusse

Prezidente Repúblika selebra Páskua ho sarani sira iha Oé-Cusse

Prezidente Repúblika, José Ramos Horta, to'o iha Oé-Cusse ho aviaun ZEESM.

OÉ-CUSSE, 28 marsu 2024 (TATOLI) – Prezidente Repúblika, José Manuel Ramos Horta, kinta ne’e, to’o ona iha Rejiaun Administrativa Espsiál Oé-Cusse Ambeno (RAEOA), atu selebra festa Páskua hamutuk ho sarani sira iha Oé-Cusse.

Xefe Estadu to’o iha aeroportu internasionál Rota do Sândalo Oé-Cusse iha oras 09;00 dadeersan ho aviaun ZEESM, akompaña direita hosi Xefe Casa Civil Prezidente Repúblika, Jesuína Maria Ferreira, ne’ebé simu direita hosi Prezidente Autoridade RAEOA, Rogério Tiago Lobato, no Koordenadór Ezekutivu ZEEDOA, João Mendes Gonçalves, hodi kontinua kedas simu ho kulturál tuir lisan povu Oé-Cusse nian no lia-na’in sira dadolin (takanab).

Ajenda prinsipál, Ajência Tatoli asesu, vizita Prezidente Repúblika nian iha Oé-Cusse, sei hamutuk ho sarani Oé-Cusse selebra misa kinta-feira santa iha Igreja Parókia Numbei Oé-Cusse.

Nune’e iha loron sesta feira parte dadeer, Prezidente Repúblika, sei dezloka ba krúz boot Lifau, sei simu ho lian dadolin hosi lia-na’in sira, hosi suku Lifau iha  monumentu Lifau nian.

Hafoin ne’e kontinua kedas partisipa projesaun (jalan-salib) iha Lifau, hahú hosi mater doloroso to’o estasaun XIV, ne’ebé sei prezide hosi Cardeal Vírgilio do Carmo da Silva.

Iha parte lokraik  nian, Xefe Estadu sei hamutuk ho komitiva partisipa iha sesaun adorasaun krúz, ne’ebé sei prezide hosi Cardeal do Carmo da Silva SDB, no kontinua partisipa mós ba projesaun Senhor Morto nian, tuir dalan ne’ebé komisaun organizadora prepara ona.

Hafoin misa sesta-feira nian, Prezidente Repúblika sei hala’o enkontru espesiál ho Cardeal do Carmo da Silva, madre sira hosi Oé-Cusse no Prezidente Autoridade RAEOA

Entretantu, ajenda seluk, iha Sábadu dadeersan (30/3/2024), Xefe Estadu  sei hala’o asaun sosiál ba komunidade sira iha suku Nipani, no kontinua kedas dezloka fali ba Dili.

Notísia relevante: Lian-na’in Oé-Cusse oferta lilin hodi husu matak malirin ba Senhor de Morto

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!