Top

Komisaun C iha PN husu BCTL investiga sirkulasaun osan falsu

Vice governadora BCTL, Sara lobo Brites, iha komfernsia da imprensa konaba moeda centavos falsu neebe hahu serkula ona iha dili.sesta 8 marsu 2024. Foto Tatoli/Antonio Daciparu

DILI, 04 abril 2024 (TATOLI)—Deputada membru Komisaun C trata asuntu Finansa Públika iha Parlamentu Nasionál (PN), Maria Angelina Sarmento, husu Banku Sentrál Timor-Leste (BCTL, siglá portugés) atu halo investigasaun kle’an ba informasaun ne’ebé espalla kona-ba sirkulasaun osan falsu ba moeda sentavu 50.

Notísia Relevante: BCTL rekolla ona moeda sentavu 50 falsu hamutuk 320

Nia dehan, to’o agora komisaun seidauk simu relatóriu formál husi BCTL kona-ba informasaun ne’ebé espalla iha públiku osan falsu, maibé fiar katak BCTL daudaun halo hela estudu sekreta atu buka hatene, tanba ne’e iha ona  krime fiskál nian tanba espalla osan falsu ne’ebé la’ós osan rekoñesidu ofisiál ne’ebé Estadu hasai.

“Entaun hanoin BCTL mak tenke hato’o relatóriu formál, se sira iha ona peskiza tanba ida-ne’e ita foin mak rona informasaun iha públiku. Maibé, ita iha entidade sira-ne’ebé tenke halo duni peskiza ka investigasaun ba kazu sira-ne’e, atu bele fó informasaun ida-ne’ebé klaru ho mós tuir dalan ne’ebé legál, atu hato’o mai komisaun C. Ha’u husu tenke halo investigasaun kle’an,” nia hateten ba Agência Tatoli iha PN, kinta ne’e.

Tanba impaktu boot bainhira akontese duni sirkulasaun osan falau, ida-ne’e atu halo brankamentu kapitál ka sirkula osan falsu hodi ita-nia ekonómia nia valór laiha.

“Tanba sé mak iha kompeténsia boot atu divulga informasaun BCTL mak tenke hato’o,” nia dehan.

Deputadu membru komisaun D trata asuntu Ekónomia no Dezenvolvimentu iha PN, Antoninho Doutel Sarmento, mós husu ba parte kompetente hanesan BCTL atu halo investigasaun kle’an hodi buka hatene informasaun espalla kona-ba osan faslu.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!