iklan

HEADLINE, KAPITÁL

SEI husu feto potensiál sira kandidata-an ba xefe suku

SEI husu feto potensiál sira kandidata-an ba xefe suku

Sekretária Estadu Igualidade, Elvina de Sousa Carvalho. Imajen Tatoli/António Daciparu

DILI, 05 abríl 2024 (TATOLI)–Sekretária Estadu Igualidade (SEI), Elvina de Sousa Carvalho, husu ba feto potensiál sira kandidata-an ba xefe suku hodi kompete iha eleisaun suku 10, ne’ebé sei akontese iha 27 abríl 2024.

“Agora ita tenke brani kandidata-an no husu mós feto maluk sira iha kada suku tenke apoiu ita-nia feto maluk kandidata-an, tanba feto iha papél importante partisipa iha vida polítika,” Elvina Sousa Carvalho, informa ba Agência Tatoli, iha salaun Delta Nova, sesta ne’e.

Nia dehan, feto tenke brani foti desizaun, hahú husi uma-laran to’o vida polítika, tanba SEI iha hodi apoia formasaun no motivasaun ba feto maluk sira hodi hakat ba oin.

“Maibé iha eleisaun agora ha’u husu feto maluk sira tenke enkoraja-an kandidata-an ba xefe suku halo programa ne’ebé di’ak, buka estratejia kampaña ne’ebé di’ak atubele manán povu nia konfiansa, tanba atu sai xefe suku la’ós nomeasaun, maibé desizasaun maioria povu mak sei hili, nune’e tenke prepara-an didi’ak,” nia husu.

Notísia relevante : STAE hakarak halo rekrutamentu ba pesoál apoiu eleisaun suku

Iha fatin hanesan, Diretór Jerál Dezentralizasaun Governu Lokal, António Agusto Guterres, husu ba komunidade suku 10 ne’ebé sei partisipa iha eleisaun, tenke fihir didi’ak kandidatu sira ne’ebé serve atu serví no iha duni misaun no vizaun atu dezenvolve suku.

“Tanba kandidatura ba xefe suku ne’e sei mai hosi imi-nia suku rasik, entaun imi tenke hili líder ne’ebé di’ak hodi dezenvolve suku,” nia fó hanoin.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!