iklan

JUSTISA, HEADLINE

Ministériu Justisa sei demite oknum PCIC ne’ebé husu osan ba sidadaun Filipina

Ministériu Justisa sei demite oknum PCIC ne’ebé husu osan ba sidadaun Filipina

Sérgio de Jesus Costa Hornai. Imajen TATOLI/Francisco Sony

DILI, 17 abríl 2024 (TATOLI) – Ministru Justisa Sergio Hornai, dehan sei demite oknum Polísia Sientífika Investigasaun Kriminál (PCIC, sigla portugés) ho inisiál OA ne’ebé ho via telefone hodi husu osan ba fuzitivu Arnolfo Teves Jr, nia oan atu fó seguransa ba nia aman Arnolfo Teves Jr, iha prizaun Becora.

Nia dehan, rezultadu investigasaun kuandu konklui ona mak komprova duni oknum PCIC komete duni prátika ida-ne’e mak hanesan Ministru Justisa sei foti desizaun hodi hasai hosi servisu.

“Sidadaun hothotu ne’ebé envolve iha kazu infrasaun, iregularide, ilísitu tenke sujeita ba prosesu investigasaun no prosesa tuir lei haruka. Sé saida hasai nia hosi servisu”, Sergio Hornai hateten ba jornalista sira hafoin konklui reuniaun Konsellu Ministru iha Palásiu Governu, kuarta ne’e.

“Konserteza ha’u hanesan ministru ha’u simu ona relatóriu, maibé ha’u labele halo pronúnsia kona-ba buat ruma, kuandu iha hela prosesu nia laran. Hein to’o ha’u halo desizaun. Prosesu sei lao to’o iha ne’ebá. Lei la admite katak funsionáriu tenke kobra osan hosi sidadaun ruma”, nia afirma.

Rekorda fali katak iha loron segunda (8/4), Polísia Sientífika Invetigasaun Kriminál (PCIC, sigla Portugés) Investigadór halo ona avariguasaun no halo ona suspensaun ba oknum PCIC ho inisiál OA hosi nia servisu hanesan membru PCIC tanba oknum ne’e submete hela ba prosesu averiguasaun.

Notísia relevante : PCIC suspende membru tanba suspeita husu osan ba oan hosi fujitivu iha estabelesimentu prizionál

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!