iklan

NASIONÁL, HEADLINE

PM Xanana no Asistente Sekjer ONU deskute kuadru jerál foun

PM Xanana no Asistente Sekjer ONU deskute kuadru jerál foun

Primeiru-Ministru, Kay Rala Xanana Gusmão, hala'o enkontru ho Asistente Sekretáriu Jerál ONU ba kolaborasaun dezenvolvimentu iha Ázia Pasífiku, David Mclachlan-Karr, iha Palásiu Governu, sesta (26/04/2024). Imajen/Mídia GPM

DILI, 26 abríl 2024 (TATOLI)–Primeiru-Ministru (PM), Kay Rala Xanana Gusmão, sesta ne’e, simu vizita husi Asistente Sekretáriu Jerál (Sekjer) Organizasaun Nasaun Unida (ONU) ba kolaborasaun dezenvolvimentu iha Ázia Pasífiku, David Mclachlan-Karr.

“Objetivu maka atu ko’alia ho Primeiru-Ministru kona-ba kuadru jerál dezenvolvimentu ONU foun ne’ebé mak agora daudaun atu implementa iha Timor-Leste,” Asistente Sekretáriu Jerál ONU, hateten iha Palásiu Governu, sesta ne’e.

Aleinde ne’e, parte rua ko’alia mós kona-ba kuadru jerál dezenvolvimentu ONU nian bele aliña ho prioridade IX Governu nian iha área prioridade sira hanesan edukasaun, saúde, infraestrutura, turizmu no agrikultura, no haree halo oinsá ONU bele serbisu di’ak liután ho Governu Timor-Leste atu atinje objetivu sira ne’ebé Governu trasa ona iha sira-nia programa prioridade.

“Sente orgullu tebes tanba depois tinan-25 filafali mai Timor-Leste no haree progresu dezenvolvimentu nian maka’as tebes depoizde ha’u iha Timor durante tempu UNTAET,” nia akresenta.

Notísia relevante : ONU iha Timor-Leste hakarak reforsa programa MAP hodi hasa’e produsaun rai-laran

Asuntu edukasaun no Saude ne’e hanesan asuntu importante ida ba esforsu Governu Timor-Leste atu atinje ODS, tanba ida-ne’e maka importante atu haree ba área ne’e.

ONU nia serbisu mos haree ba asuntu sosiál inklui kriasaun postu serbisu, tanba joven sira-nia papel importante iha dezenvolvimentu nasaun, nomós iha kuadru jerál dezenvolvimentu organizasaun mós sei haree ba planu dezenvolvimentu ne’ebé tenke atinje iha tinan-lima nia laran, ne’ebé iha tinan hirak ne’e sei aselera ninia esforsu hodi bele atinje.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!