Kandidatu xefe suku na´in-rua iha Builo hakat ba eleisaun segunda volta
VIQUEQUE, 27 abríl 2024 (TATOLI)—Kandidatu xefe suku na´inj-rua (2) iha suku Builo, postu administrativu Ossú, munisípiu Viqueque sei hakat hodi kompete iha eleisaun órgaun suku segunda volta ba períodu 2024-2031, hafoin liu eleisaun primeira volta iha loron 27 abríl 2024.
Notísia Relevante: Eleitór 290-resin iha suku Builo la tuir eleisaun suku
Tuir kontajen votu iha sábadu (27 abríl 2024), iha tuku 17h00 lokraik ne’e, handidatu xefe suku ho númeru sorteu 1, Guido Danel Amaral, hetan votu 66, kandidatu númeru sorteiu 2, Helio Ximenes de Fereira hetan votu 227, kandidatu númeru sorteiu 3, Osorio da Silva hetan votu 164 no kandidatu sorteiu númeru 4, Tomas da Silva, hetan votu 84.
Nune’e, kandidatui xefe suku ne´ebé bela hakat eleisaun segunda volta ne’e kandidatu xefe suku Helio Ximenes de Fereira ho votu 22t no kandidatu xefe Osório da Silva ho votu 164 mak sei kompete iha eleisaun segunda volta ne’ebé sei realiza iha 13 maiu 2024.
“Rezultadu apuramentu provizóriu eleisaun ohin ne’e, sei hakat ba segundu faze tanba rezultadu votu la to’o. Nune’e ba segundu volta ne’e ha’u ho kandidatu númeru sorteu 2 mak sei kompete ihaeleisaun segunda volta iha fulan oin,” Atuál xefe suku Builo, Osório da Silva, hateten ba Agência Tatoli, sábadu ne´e.
Iha eleisaun segunda volta ne´e, nia hateten povu Builo mak sei deside númeru sorteu rua (2) ka númeru sorteiu tolu (3) mak manán manán iha eleisaun, depende eleitor sira mak define ba lideransa suku Builo ba mandatu tinan hitu.
“Segunda volta ne’e ha’u maka re-eleitu fila faki ka kandidatu númeru rua (2) mak eleitu ne’e desizaun husi ita-nia eleitór sira. Maibé, ha’u nafatin husu ba eleitór sira agora tama segunda volta nafatin kria pás no establidade iha suku laran,” nia dehan.
Daufaun ne´e, rezultadu votasaun sei asegura iha sentru votasaun atu aban (dpmingu) kontinua halo apuramentu finál ba eleisaun suku Builo.
Tuir dadús, eleitór husi suku Builo kompostu aldeia haat hanesan aldeia Buareka totál eleitór 152 (2%), Builo eleitór 310 (3%), Derulo eleitór 259 (3%) no aldeia Lutugia 84 (1%) ho totál eleitór hamutuk 805 (8%).
Entretantu eleisaun komunitária suku Builo akompaña hosi Komisáriu Komisaun Nasionál Eleisaun (CNE, sigla portugés), ekipa Sekretariadu Administrasaun Tekniku Eletorál (STAE) Viqueque no eleisaun ne’e hetan seguransa másimu hosi Polísia Nasionál Timor Leste (PNTL) munisípiu Viqueque.
Jornalista : Vitorino Lopes da Costa
Editór : Cancio Ximenes
