iklan

EDUKASAUN

INFORDEPE sei organiza atividade rua ba selebrasaun loron mundiál lian portugés

INFORDEPE sei organiza atividade rua ba selebrasaun loron mundiál lian portugés

Loron mundiál lian portugés no kultura CPLP. Imajen/Espesiál

DILI, 02 maiu 2024 (TATOLI)—Instituto Nacional de Formação de Docentes e Profissionais da Educação (INFORDEPE) iha tinan ne’e aloka verba ba projetu lian portugés nian inklui selebrasaun loron mundiál lian portugés no kultura Komunidade País Lian Portugés (CPLP, sigla portugés) ho tema ‘língua portuguesa um património para o futuro’, ne’ebé kada tinan monu iha loron 05 maiu.

“Ita-nia osan verba ba projetu lian portugés nian ita tau rihun $15 hodi realiza atividade semináriu ne’ebé sei envolve estudante nível eskolaridade no olimpiade koñesimentu lian, iha salaun Ian Martin, Balide,” Prezidente INFORDEPE, Martino Martins, informa ba Agência Tatoli, iha ninia knaar fatin, Balide, kinta ne’e.

Notísia relevante : ME husu Prezidente foun INFORDEPE kria modelu formasaun distánsia ba profesór sira

Nia dehan, INFORDEPE foti tema ne’e rasik tanba urgullu bele ko’alia lian portugés, ne’ebé sai hanesan patrimóniu ida ba Timor-Leste iha futuru, hahú husi Pre-Eskolár to’o nível Sekundáriu.

“Loron mundiál ne’e ami iha atividade rua, hanesan semináriu no olimpiade koñesimentu lian. Ida-ne’e ami konvida fomandu sira-ne’ebé durante ne’e ativa iha fomasaun lian portugés hodi halo festeja no anima estudante sira,” nia akresenta.

Aleinde ne’e, eskola sira iha kada munisípiu sei halo mós atividade hanesan hodi selebra loron ne’e.

Adjuntu Diretór Eskola Ensinu Sekundáriu Jerál (ESJ) 04 Setembru UNAMET Balide, Alexandre da Costa, hateten, eskola ne’e sei hola parte mós ba Eskola Amiga da CPLP, nune’e iha loron mundiál lian portugés sei iha atividade ko’alia lian portugés iha tempu intervalu.

“Ami prepara ona ba selebrasaun lian portugés ne’ebé sei akontese iha 05 de maio ne’e, nune’e iha segunda semana oin, loron 06 de maio ami halo atividade ko’alia lian portugés iha oras intervalu nian. Ami ho Eskola CAFE Taibesi mós hola parte iha Amiga da CPLP nian,” nia katak.

Jornalista     : Osória Marques

Editora          : Julia Chatarina

iklan
iklan

Leave a Reply

iklan
error: Content is protected !!