iklan

MUNISÍPIU, VIQUEQUE

PAM Viqueque prevee rihun $13 hodi selebra loron Restaurasaun Independénsia

PAM Viqueque prevee rihun $13 hodi selebra loron Restaurasaun Independénsia

Prezidente Autoridade Munisípiu (PAM) Viqueque, Francisco C.S de Gonzaga. Imajén Tatoli/Vitorino Lopes da Costa

VIQUEQUE, 03 maiu 2024 (TATOLI)- Prezidente Autoridade Munisípiu (PAM) Viqueque, Francisco C.S de Gonzaga, informa prevee ona orsamentu $13.000 hodi halo preparasaun tomak ba komemorasaun loron Restaurasaun Independénsia Timor-Leste ba dala-22.

“Ami establese ona komisaun organizadora no aloka ona orsamentu purvolta $13.000 hodi finansia ba atividade komemorasaun loron importante 20 Maiu ne’e,  ho atividade despostu komunitária, expozisaun no eventu Isar Bandeira Nasional”, Francisco C.S de Gonzaga, hateten ba Agência Tatoli, iha ninia kna’ar fatin, ohin.

Tuir dadús alokasaun orsamentu hamutuk $13.000, 00 ne’e sei aloka mós ba postu lima ne’ebé kada postu ida sei hetan $1.000 ba eventu komemorasaun loron restaurasaun. Orsamentu $8,000 sei konsentra iha munisípiu Viqueque tanba serimónia Isar Bandeira mós sei realiza munisípiu.

Komemorasaun 20 Maiu ba tinan 2024 ne’e, Prezidente Autoridade afirma komisaun organizadora preparadu hodi organiza atividade tolu ne’ebé trasa ona hodi festeza.

“Ha’u fiar katak serimónia ba komemorasaun loron restaurasaun ida-ne’e, sei la’o di’ak tanba ita-nia komisaun organizadóra halo ona sorumutu dala-tolu no sira sei halo preparasaun ne’ebé másimu”, nia garante.

Notísia relevante: Xefe Estadu orienta MAE halo preparasaun ba komemorasaun 20 maiu

Jornalista: Vitorino Lopes da Costa

Editór    : Florencio Miranda Ximenes

iklan
iklan

Leave a Reply

iklan
error: Content is protected !!