iklan

SAÚDE, VIQUEQUE

Sentru Saúde Uatucarbau menus médiku hodi fó atendimentu ba pasiente sira

Sentru Saúde Uatucarbau menus médiku hodi fó atendimentu ba pasiente sira

Sentru Saúde Postu Administrativu Uatucarbau. Imajen Tatoli/Hortençio Sanchez.

VIQUEQUE, 07 maiu 2024 (TATOLI)- Xefe Sentru Saúde Postu Uatucarbau, Munisípiu Viqueque, Jeremias Mota, afirma daudaun menús hela médiku liuliu hodi fó atendimentu ba pasiente sira.

“Tuir estimasaun katak kada postu saúde ida tenke iha médiku, maibé agora ita-nia postu saúde seidauk iha, nune’e presiza kompleta,” Xefe Setru Saúde ne’e hateten ba Agência TATOLI,I.P, iha kna’ar fatin-Uatucarbau-Viqueuqe, tersa ne’e.

Postu saúde sira-ne’ebé laiha médiku mak postu saúde Loiulu, postu saúde Afaloikai, postu saúde Irabin de Cima no postu saúde Uani-Uma.

“Enkuatu foin lalais ami simu pesoál saúde foun hamutuk na’in-12, maibé mediku na’in-ida ne’ebé ami koloka ba postu saúde Bahatata. Ho preokupasaun sira-ne’e hato’o ona ba servisu saúde munisípiu, maibé seidauk responde. Tanba ne’e ami relata ba Governu atutau atensaun hodi rekruta médiku hodi prienxe ba postu saúde sira”, nia sujere.

Iha fulan Marsu 2024, Servisu Saúde Munisípiu Viqueque aloka ona pesoál saúde hamutuk na’in-12 ba SS Uatucarbau hodi responde ba postu saúde.

Hosi alokasaun ne’e kompostu pesoál saúde hanesan enfermeiru na’in-neen, parteira na’in-tolu, saúde públiku na’in-rua no médiku na’in-ida.

“Pesoal saúde sira-ne’e ha’u aloka ona postu saúde sira-ne’ebé laiha pesoál saúde hanesan postu saúde Bahatata, Afaloikai no postu saúde Irabin de Cima, maske númeru kolokasaun seidauk sufisiente, maibé ita bele responde ona abintante sira nia preokupasaun”, katak nia.

Notísia relevante:Sentru Saúde Baguia kontinua menus pesoál saúde

Jornalista: Vitorino Lopes da Costa

Editór     : Florencio Miranda Ximenes

iklan
iklan

Leave a Reply

iklan
error: Content is protected !!