iklan

COVALIMA, HEADLINE

Autoridade Covalima aprova orsamentu ba seksaun sira ba preparasaun 20 Maiu

Autoridade Covalima aprova orsamentu ba seksaun sira ba preparasaun 20 Maiu

Autoridade Covalima hala’o enkontru tékniku ho xefe seksaun sira ba komemorasaun loron Restauransaun Independénsia 20 Maiu. Foto/Celestina Teles.

COVALIMA, 08 Maiu 2024 (TATOLI) – Sekretáriu Munisipál ba Asuntu Sosiál no Organizasaun, Filomeno Cardoso, hala’o enkontru tékniku ho xefe seksaun sira ba komemorasaun loron Restauransaun Independénsia 20 Maiu no aprova proposta orsamentu ba realizasaun atividade.

Filomeno Cardoso dehan, antes ne’e, autoridade Covalima hala’o ona enkontru hodi forma komisaun organizadora mak hanesan prezidente ho nia xefe seksaun hamutuk sia ba preparasaun 20 Maiu nian.

“Ami hala’o enkontru kontinuasaun ba diskusaun téknika hodi simu proposta orsamentu ne’ebé kada seksaun aprezenta atu labele liu totál orsamentu rihun $5 ba komemorasaun loron independénsia ba da-22 iha Covalima. Diskusaun ohin ami hetan solusaun di’ak hodi bele apar ho totál orsamentu  rihun $ne’e5”, Filomeno Cardoso informa, ohin.

Rezultadu enkontru ne’e, seksaun sia aprezenta estimativa osan no aloka montante boot ba seksaun programa ho totál $2.064, lojísttika $1.245, liturjia $400, seguransa $256, sekretáriadu $60, primeiru sokorru $50, konsumu $350, mobilizasaun 500 no protokolu $75.

Tuir planu, iha 10 Maiu, seksaun programa korpu isár bandeira halo ona preparasaun, liuliu treinu ba eventu 20 Maiu.

Tema ba selebrasaun aniversáriu ba Restaurasaun Independénsia ba da-22 iha tinan ne’e mak “Hametin Instituisaun Estadu Hodi Serbí Povu”.

Notísia relasionada: MJDAK disponibiliza rihun $6 ba atividade desportu komunitáriu iha Covalima

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!