iklan

EKONOMIA

KSTL husu PN ratifika konvensaun 190 elimina asedu ba traballadór

KSTL husu PN ratifika konvensaun 190 elimina asedu ba traballadór

Traballadór sira lori pamfletu hodi partisipa kampaña ne’ebé organiza husi KSTL hala’o manifestasaun hodi husu ba governu atu ratifika konvensun 190 hodi asegura direitu feto no labarik sira iha serbisu fatin para labele hetan diskriminasun, violasun no asedu iha fatin serbisu, sesta (26/11/2024). Imajen Tatoli/Antonio Gonçalves

DILI, 08 maiu 2024 (TATOLI)-Komisaun D ne’ebé trata asuntu Ekonómia no Dezenvolvimentu iha Parlamentu Nasionál (PN), kuarta ne’e, simu audénsia husi Konfederasaun Sindikatu Traballadór Timor-Leste (KSTL).

“Objetivu husi audénsia ne’ebé mak KSTL halo ho komisaun D atu ko’alia kona-ba ratifikasaun konvensaun 190 elimina asedu ba traballadór iha mundu traballu,” Sekretária Jerál KSTL, Elisihabet Nino Araújo, hateten ba jornalista sira hafoin ramata audénsia iha resintu Parlamentu.

Ratifikasaun konvensaun ne’e hahú iha tinan 2019 to’o agora iha nasaun hamutuk 39 mak ratifika ona no iha 2021 KSTL halo ona kampaña no semináriu ho komunidade sira kona-ba oinsá atu elemina asedu ba traballadór sira iha serbisu fatin.

Durante audiénsia komisaun hato’o prontu atu ratifika maibé inisiativa tenke mai husi Governu mak lori mai PN hodi aprova.

“Iha vontade di’ak tebes husi PN, tanba tuir komisaun eliminasaun ba asedu seksuál iha mundu traballu ne’e buat ida urjente atu ita bele haree hodi elimina duni,” nia akresenta.

Tanba ita haree tuir KSTL nia dadus antes kampaña ratifikasaun konvensaun ne’e iha ona kazu 19 mak rejista katak traballadór sira la moe ona asedu ruma iha serbisu fatin imediata hato’o ba.

“Ami fiar husi KSTL iha Timor la’ós kazu 19 de’it, maibé iha barak, maibé ema sei moe hela atu hatete tanba refere fali ba ema nia privasidade rasik iha nia an, tanba ne’e tempu ba tempu ita halo kampaña nafatin no se ratifikasaun ne’e ita halo ema komesa sente seguru, no ekipa KSTL sei forma ekipa bainhira hetan vítima asedu iha serbisu fatin sira hatene ona atu ba ne’ebé,” nia dehan.

Tur sekretáriu jerál KSTL ne’e, presiza ratifika tanba ita haree kestaun violénsia asedu hasoru traballadór iha mundu traballu ne’e barak laiha protesaun legál ida atu nune’e ema sente katak, bainhira hato’o hanesan vítima sente seguru no la lakon serbisu.

Tanba ita hatene dalabarak violasaun ne’e la’ós ba feto de’it maibé ba mós mane nu’udar traballadór.

Notísia relevante:KSTL: Traballadór serbisu to’o tinan-10 maibé saláriu nafatin $115 ne’e la justu

Jornalista: Nelson de Sousa

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!