iklan

DESPORTU, HEADLINE

Eventu AFF adia, AFTL hapara provizóriu preparasaun ba selesaun nasionál futsál

Eventu AFF adia, AFTL hapara provizóriu preparasaun ba selesaun nasionál futsál

Sekretariu Jeral Asosiasaun Futsal Timor -Leste (AFTL) Fernando Baptista Xavier. Imajen/Espesiál

DILI, 09 maiu 2024 (TATOLI)– Sekretáriu Jerál Assosiasaun Futsál Timor-Leste (AFTL), Fernando Baptista hatete, daudaun preparativu selesaun nasionál sei paradu tanba eventu Asian Football Federation (AFF) adia ba novembru tinan ne’e.

“Ita nia preparasaun provizóriu paradu hela tanba eventu AFF futsál nian adia fali ba novembru, ita haree tempu ne’e sei naruk uitoan entaun ita deside hapara tiha lai,” Fernando katak ba Agência TATOLI via media sosiál WhatsApp, kinta ne’e.

Tanba ne’e, atividade formasaun ba jogadór sira sei hahú fila-fali iha fulan-agostu mai ne’e.

Rekorda fali katak, fulan kotuk, Formasaun ba jogadór sira hala’o iha kampo futsál Federasaun Futeból Timor-Leste (FFTL) hahú segunda to’o sesta tuku 05-07 kalan.

Maibé agora jogadór sira tenke deskansa provijoriu hodi hein AFTL anunsiu hikas orariu treinamentu ba jogadór selesionadu sira.

Treinadór ba selesaun nasionán futsál AFTL kontrata husi Indonézia na’in rua mak Fandy Butar treinadór prinsipál, M Gilang hanesan treinadór fizíku, ne’ebé hahú kedan iha tinan kotuk to’o agora AFTL kontinua utiliza tanba prestasaun di’ak.

Jogu AFF futsal nian sei kompete hosi nasaun hamutuk 10 iha ASEAN hanesan, Singapura, Thailandia, Malázia, Indonézia, Myanmar, Laos, Vietnam, Kamboja, Filipina no Timor-Leste la inklui Brunei Darusalam tanba hetan hela sansaun hosi FIFA.

Notísia relevante: AFTL prepara jogadór selesaun nasionál kompete jogu AFF 2024

Jornalista: Hortencio Sanchez

Editór       : Florencio Miranda Ximenes

iklan
iklan

Leave a Reply

iklan
error: Content is protected !!