iklan

NASIONÁL, HEADLINE, INKLUZAUN SOSIÁL

MSSI sei halo lansamentu pagamentu Bolsa da Mãe Kondisionál iha fulan-juñu

MSSI sei halo lansamentu pagamentu Bolsa da Mãe Kondisionál iha fulan-juñu

Diretór Nasionál Asisténsia Sosiál MSSI, Fernando dos Reis. Imajen Tatoli/Osória Marques

DILI, 13 maiu 2024 (TATOLI)—Ministériu Solidaridade Sosiáil no Inlkuzaun (MSSI) sei halo lansamentu pagamentu ba benefisiáriu Bolsa da Mãe kondisionál iha juñu tinan ne’e.

“Ba tinan ida ne’e, ita-nia data tentativa sei halo pagamentu ba Bolsa da Mãe Kondisionál iha fulan-juñu tinan ne’e, loloos ne’e halo iha fulan-maiu ne’e maibé tanba presiza halo verifikasaun hahú semana oin, sira ne’e sei taka sai lista benefisiáriu sira iha munisípiu nune’e sira ne’ebé elijível duni atu simu dokumentu balun sala bele hadi’a kedas,” Diretór Nasionál Asisténsia Sosiál, Fernando dos Reis, informa ba Agência Tatoli, iha ninia knaar fatin, MSSI, segunda ne’e.

Benefisiáriu ba programa sosiál ne’e iha tinan kotuk hamutuk 41.000, maibé konsege halo pagamentu de’it ba benefisiáriu 40.000.

“Tanba iha 100 liu mak estudante, balun idade liu ona 17, balun la ativu eskola no balun dokumentu Billete Identidade (BI) maibé sira ne’e hotu MSSI halo esforsu halo hotu ona pagamentu,” nia hateten.

Notísia relevante : Governu hala’o ona pagamentu bolsa da mãe kondisionál 40.112 iha 2023

MSSI tinan ne’e prevee millaun $6-resin ba pagamentu benefisiáriu programa Bolsa da Mãe Kondisionál, ne’ebé ninia pagamentu kada tinan dala-ida, realiza husi Banku Nasionál Komérsiu Timor-Leste

Pagamentu iha tinan kotuk, ba kada benefisiáriu $5, maibé ba tinan ne’e estudante ativu eskola primária $8, pre-sekundária $9 no sekunária $10, iha mós adisonál $5 ba labarik sira ne’ebé ho kondisaun defisiénsia, bazeia ba dekretu-lei Bolsa da Mãe Konsionál númeru 1/2024 03 janeiru, ne’ebé hetan altersaun dahuluk númeru 18/2012.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!