Aimoruk “Stock out” iha SSM Viqueque hamutuk item 31
Viqueque, 16 maiu 2024 (TATOLI)- Diretór Servisu Saúde Munisípiu Viqueque, Aljacsono S. Maia, informa, daudaun aimoruk “Stock out” iha Servisu Saúde Munisípiu (SSM) Viqueque hamutuk item 31.
“Kona-ba stock aimoruk hahú husi fulan abríl to’o agora hamutuk item 260 , ekivalente ho 12%, husi totál aimoruk ne’e, ita-nia stock out hamutuk item 31, aimoruk ne’ebé hotu mak esensiál liu hanesan Diclofenac, ibuprofen no antibiotiku mak oras-ne’e laiha iha farmasia munisípiu Viqueque”, Aljacsono S. Maia, ba Agência Tatoli, iha ninia kna’ar Viqueque Vila, ohin.
Nune’e nia dehan, servisu saúde munisípiu halo ona pedidu regulár ka kada fulan ba nasionál no foin lalais haruka aimoruk mai maibé la tuir pedidu tanba aimoruk esensiál balun iha no balun nafatin laiha.
“Ami haruka nafatin pedidu regulár ba nasionál. Atu nune’e tempu badak bele distribui aimoruk mai Viqueque tuir item ne’ebé mak stock out hela”, nia afirma.
Aimoruk ne’ebé daudaun estoke iha hela armazein mak iha item 233, kompostu husi aimoruk vasina, aimoruk Tuberkoluze , aimoruk ba Programa Familiár Planeada no programa STI.
Entretantu, tipu ai-moruk ‘stock out’ hamutuk 31 maka hanesan Acetylsalicylic acid Tablet 300mg, Aciclovir (Acyclovir) Tablet 200mg, Allopurinol tablet 100mg, Aluminium Hydroxide 500 mg, Ampicillin sodium Powder for injection 1g (vial), Azithromycine tablet 500mg (Scored tab), Bisacodyl, enteric coated, scored 10mg.
Tipu ai-moruk Calamine Lotion (bott), Captopril scored tablet 50mg, Cefixime trihydrate Capsule 400mg, Cloxacillin Powder for oral solution 125mg/5ml, Diazepam Tablet (scored) 5mg, Folic acid Tablet 1mg, Folic acid Tablet 5mg, Ergotamine tartrate + caffeine tablet 1mg +100mg, Gentamicin sulfate 40mg/ml, Griseofulvin 250mg.
No ai-moruk Hydrochlorothiazide Tablet scored 25mg, Hydrocortisone sodium succinate Powder for injection 100mg, Hyoscine butylbromide Injection 20mg/ml, Hyoscine butylbromide Tablets 10mg. Hyoscine butylbromide Tablets 10mg, Ibuprofen Scored tablet 400mg, Metronidazole scored Tablet 500mg.
Nune’e mós ai-moruk Multivitamin Oral liquid BP, Multivitamin tablets BP, Prednisolone Tablet 5mg, Prednisolone Tablet 20mg, Vitamin B1; thiamine tablet 50mg, Vitamin B6; pyridoxine tablet 50mg, Vitamin K1 (Phytomenadione) Injection 1mg/ml no vitamin K1 (Phytomenadione) Injection 10mg/ml.
Notísia relevante: INFPM aloka millaun $4.2 atu sosa aimoruk
Jornalista: Vitorino Lopes da Costa
Editór : Florencio Miranda Ximenes
