iklan

SAÚDE

Espesialista José António husu Governu investe rekursu umanu iha ospitál sira

Espesialista José António husu Governu investe rekursu umanu iha ospitál sira

Espesialista Obstetra no Jinekolojia, José António Gusmão Guterres. Imajen Tatoli/Egas Cristovão.

DILI, 16 Maiu 2024 (TATOLI)–Espesialista Obstetra no Jinekolojia, José António Gusmão Guterres, husu Governu presiza investe rekursu umanu no laboratóriu iha sentru saúde no ospitál sira iha país.

Nia esplika, profisionál saúde ba área espesialidade sira iha sentru saúde, postu saúde no ospitál sira seidauk sufisiente hodi responde ba iha nesesidade pasiente sira-nian.

“Labele servisu saúde primaria iha ospitál no tersiariu ba hotu rai-li’ur, ita tenke hadi’a. Atu hadi’a ida-ne’e presiza investimentu boot, presiza prepara rekursus umanu, ema sira atu servisu iha laboratóriu, mikrobiolojia, tékniku, imajionalista, parteira enfemeiru espesialista, médiku jeral, espesialista no sub-espesialista,” Espesialista Obsteatra no Jinekolojia, José António Gusmão Guterres, ba jornalista sira hafoin hala’o enkontru entre Governu ho parseiru internasionál sira, iha Otél Novu Turismu.

Nia esplika, servisu kuidadu primariu dala barak pasiente sira ba hotu iha ospitál sira no profisionál saúde sira hanesan espesialista ba atende ida-ne’e.

Tuir nia, servisu barak mak lolos bele halo iha sentru saúde sira, maibé servisu sira-ne’e ba hotu ospitál no ospital atu halo nível tersiariu ne’e ba hotu rai-li’ur.

“Ida-ne’e labele, ita gasta osan boot, ita-nia nível tersiáriu laiha ida, ba hotu rai-li’ur. Ida-ne’e la loos. Ita nu’udar nasaun ida, ita tenke hadi’a kualidade no kuidadu servisu saida mak primáriu, sekundáriu no tersiáriu,” nia sujere.

Obstetriku ne’e garante katak espesiliasta timóroan iha kna’ar atu apoiu Vise-Ministru Saúde atu bele atinje objetivu atendimentu, maske servisu boot maibé bele naran katak vontade polítika iha, investimentu iha, paerseiru sira-nia apoiu no Governu tau ne’e bele halo.

Iha área obstetriku nian seidauk iha espesialidade sufisiente hodi responde ba iha nesesidade ospitál neen.

“Ami espesilista, hanesan ha’u obstetra iha Timor, ami iha na’in-sia (9). Na’in-sia, ita hakarak hanoin ne’e seidauk to’o, tanba seidauk ko’alia kona-ba ema-ne’ebé sub-espesialista atu haree área kankru feto nian, ba infertilidade, menopauza, iha área barak iha jinekolijista no ibstetriku,” nia dehan.

Iha fatin hanesan, Vise-Ministru ba Operasionál Ospitalár, Flavio Brandão, hateten kada ospitál sei halo hela planu funsionamentu ospitál munisipál no rejionál, oinsa haree funsionamentu ospitál nian no haree ba oin iha nivel primaria, sekundaria no tersiariu hodi hadi’a no hahú nia funsionamentu.

Governante ne’e hateten, iha enkontru ho espesialista no parseiru dezenvolvimentu sira no sei iha mós diretór munisipal sira hodi ko’alia kona-ba ida-ne’e.

“Ita identifika ona rekursu saida mak sira presiza, ezemplu rekursu umanu ba iha espesialiade no manutensaun ba ekipamentu, tékniku no finanseiru,” nia dehan.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!