iklan

DESPORTU, HEADLINE

Manán 2-1, Laloran Wekeke susesu hada’u pontu tolu husi Lecidere FC

Manán 2-1, Laloran Wekeke  susesu hada’u pontu tolu husi Lecidere FC

Jogu Futebol Kopa Maun Boot Kayrala Xanana Gusmão 2024, Laloran Wekeke FC kontra Lecidere, iha estadiun Munisípal Dili, kinta (16/05). Imajen Tatoli/Francisco Sony

DILI, 16 maiu 2024 (TATOLI) – Ekipa Laloran Wekeke FC susesu hadau pontu tolu husi adversáriu Lecidere FC ho vitória 2-1, iha jogu kontinuasaun kopa Maun Boot Kay Rala Xanana Gusmão, ne’ebé realiza iha Estádiu Munisipál Dili, kinta loraik.

Vitória ne’ebé Laloran hetan lori ekipa ne’e provizóriu tur iha lina terseiru tabela klasifikasaun grupu F ho pontu tolu, enkuantu pozisaun primeiru no segundu okupa husi Ostico FC no Hera United FC, no Lecidere obrigado tenke tu’ur iha lina ikus kandidatu forte ba elemina husi faze grupu, maibé klube tolu seluk sei hadau malu iha sira nia jogu ikus nune’e sé mak forsa liu ultrapasa ba oitavu finál.

Notisia relevante:Kopa Xanana, Coach Eleven lidera provizóriu grupu C ho pontu neen

Jogu Futebol Kopa Maun Boot Kayrala Xanana Gusmão 2024, Laloran Wekeke FC kontra Lecidere, iha estadiun Munisípal Dili, kinta (16/05). Imajen Tatoli/Francisco Sony

Bainhira jogu hahú ekipa rua lansa kedan kontra no atake ba malu tuir tékniku no abilidade ekipa idaidak nian nune’e bele ezekuta golu.

Lecidere lansa kontra ne’ebé maka’as ho modelu ofensivu ka joga bola aas, maibé Laloran tenta halo mate tutuir jogu ne’ebé Lecidere halo nune’e halo falla ba Lecidere nia ezekusaun iha lina finalidade. Alende halo falla Lecidere nia jogu Laloran mós lansa atake ne’ebé brillante kontra Lecidere maibé defeza Lecidere la fó fatin.

Ho forsa ne’ebé hanesan ekipa rua tenke duni malu de’it ho bola iha lina klaran, liu husi pasa bola husi ain ba ain, jogadór sira fintas bola ba mai ho tatika oioin tuir klutura futeból nian.

Husi kontra no atake hotu ne’ebé ekipa rua halo iha minutu 16 oportunidade monu liu ba Lecidere bainhira bola barullu iha lina oin Laloran nian bola kona liu defeza Laloran nia baliza oin árbitru foti kedan desizaun hodi fó penaliade ba Lecidere hodi lansa sutu livre ka, sutu oin por oin ho guarda rede.

Oportunidade osan mean ne’e ezekuta husi jogadór No Sena (4) halo guarda rede la antisipa hamonu aan sala bola tama liu ba rede laran Laloran muda rezultadu ba 1-0.

Ho golu ne’e halo Laloran tenke esforsu liutan iha kampo laran nune’e bele halo golu. Avansadu Laloran hetan oportunidade barak maibé la konsege ezekuta ho di’ak nune’e rezultadu kontinua hela ho 1-0.

Minutu kontinua la’o ho kalma, jogu kontinua la’o ho barullu, Laloran kontinua halo presaun ikus iha minutu 39 jogadór Quintão Soares (22) susesu ezekuta ho di’ak responde golu primeiru ba Lecidere hodi muda rezultadu ba 1-1.

Jogu Futebol Kopa Maun Boot Kayrala Xanana Gusmão 2024, Laloran Wekeke FC kontra Lecidere, iha estadiun Munisípal Dili, kinta (16/05). Imajen Tatoli/Francisco Sony

Golu ne’e halo jogu la’o ho ritmu maka’as liutan, Lecidere la nonok, kontinua utiliza maneira hotu atu halo golu maibé maneira hirak ne’e kontinua hela hanesan maneira tanba la konsege prodús golu hodi muda rezultadu.

Maske armada rua lansa kontra ba malu ho velosiade maka’as maibé la rezulta golu ruma to’o minutu primeira parte termina rezultadu hela metin ho 1-1.

Hakur ba segunda parte ekipa rua nafatin hatudu jogu ne’ebé bonitu hodi fó anima adeptus hotu ne’ebé tur iha tribun leten fó suporta másimu ba sira nia ekipa favoritu.

Husi esforsu hotu ekipa rua halo maibé sorte monu liu ba Laloran iha minutu 67 jogadór José Campos prodús tan golu ida muda rezultadu ba 2-1, golu ne’e halo Lecidere sente presaun makas. Tenke servisu maka’as iha kampo laran maibé servisu hotu hela de’it ho naran tanba la konsege responde golu hodi muda rezultadu empata.

Nune’e minutu normal termina vitoria save metin ba Laloran hodi save pontu tolu no Lecidere tenke hela ho derrota hodi hein fali jogu ikus halo kompleta hafoin hiit-ain husi kopa Xanana tinan 2024.

Jogu ne’e dirije husi árbitru Eufragio Pereira, juiz liña Gaspar Soares, Duarte Henrique no árbutru rezerva Pedro Braga.

Notisia relevante:Derrota ho 1-2, posibilidade Vila-Vista FC elemina husi kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!