DESPORTU, HEADLINE

Assa FC susesu hadau pontu tolu husi Bairo da Paz FC

Assa FC susesu hadau pontu tolu husi Bairo da Paz FC

Jogu Futebol Kopa Maun Boot Kayrala Xanana Gusmão 2024, ASSA FC kontra Bairo da Paz PC, iha estadiun Munisípal Dili, kinta (23/05). Imajen Tatoli/Francisco Sony

DILI, 23 maiu 2024 (TATOLI) – Ekipa Assa FC susesu iha nia jornada dalaruak hodi manán adversáriu Bairo da Paz FC ho rezultadu 2-1, hodi gaña pontu tolu, iha jogu kontinuasaun kopa Maun Boot Kay Rala Xanana Gusmão ne’ebé realiza iha Estádiu Munisipál Dili, kinta lokoraik ne’e.

Hanesan baibain jogu hahú jogadór ekipa rua lansa kedan kontra no atake ba malu tuir tékniku no abilidade ekipa idaidak nian nune’e bele buka hatama golu.

Kontra no atake hirak ne’e hatudu katak laiha diferente entre klube rua ne’e tanba mai ho jogadór mesak kualiade barak iha ona esperiensia joga iha Liga Futeból Timor-Leste (LFTL) primeira divizaun no segunda divizaun.

Jogu Futebol Kopa Maun Boot Kayrala Xanana Gusmão 2024, ASSA FC kontra Bairo da Paz PC, iha estadiun Munisípal Dili, kinta (23/05). Imajen Tatoli/Francisco Sony

Maske ho forsa ne’ebé hanesan maibé Bairo da Paz hatudu jogu ne’ebé brillante ho forsa ne’ebé maka’as nune’e iha minutu 20 jogadór Rivaldo Pereira (19) lansa ona golu primeiru hodi muda rezultadu ba 1-0.

Ho golu ne’e halo Assa tenke esforsu maka’as ho meiu oioin, fintas bola ba mai, pasa husi ain ba ain, maibé Bairro da Paz tenta hamate tutuir jogu bonitu ne’ebé Assa halo, nune’e empede totál Assa nia finalidade no labele halo lai golu.

Maske jogu la’o ho velosidade maka’as, Bairro da Paz buka meiu oioin atu aumenta golu maibé la konsege tanba defeza Assa la fó fatin.

Nune’e to’o minutu 40 oras normál nian termina laiha tan golu ruma mak ekipa rua prodúz árbitru desiza termina jogu primeira parte, nune’e Bairro da Paz mak lidera provijoriu jogu 1-0.

Semo ba segunda parte Assa halo mudansa ba estratejia jogu, nune’e bele prodús lalais golu, mudansa ne’e la hela de’it hanesan mudansa tanba iha minutu 42 jogadór Nivaldo Mesquita (8) konsege prodúz golu ida hodi halo empata jogu ne’e ba 1-1.

Adeptus sira hatusu espresaun durante Jogu Futebol Kopa Maun Boot Kayrala Xanana Gusmão 2024, ASSA FC kontra Bairo da Paz PC, iha estadiun Munisípal Dili, kinta (23/05). Imajen Tatoli/Francisco Sony

Golu ne’e impede ona Bairro da Paz nia vitoria, Bairro da Paz tenke esforsu maka’as atu prodús golu maibé dedeza Assa la fó fatin, sutu barak mak avansadu Bairro da Paz halo maibé barak la kona iha alvu, barak mós guarda rede salva.

Jogu sai manas liutan, maske loron mós manas, jogadór sira iha kampo laran hasai kosar maka’as hodi habokon kamijola ne’ebé sira hatais maibé la sente kole, kontinua luta nafatin, ho objetivu tenke manán.

Luta ne’e sai duni realidade ba Assa ne’ebé halo esforsu oioin, ikus iha minutu 68 jogadór Bairro da Paz halo erru hasoru jogadór Assa iha lina oin Bairro da Paz nian árbitru foti desizaun hodi fó penalidade ba Assa nune’e bele sutu livre. Sutu ne’e ezekuta direita husi jogadór João Paulo (9) no konsege fura duni rede Bairro da Paz hodi muda rezultadu ba 2-1.

Golu ne’e hanesan golu vitoria ba Assa tanba iha minutu 69 to’o remata jogadór ekipa rua halo kontra no atake ba malu maibé la rezulta golu ruma to’o jogu termina vitoria prega metin ba Assa hodi aumenta nia pontu husi ida ba haat. Bairro da Paz renke hela ho derrota hodi hein fali jogu seluk tuir mai.

Husi vitoria ne’e lori Assa provijoriu lidera grupu G ho lontu haat, nune’e lozisaun seguntu Bairro da Paz ho pontu tolu, Warikoan iha pozisaun terseiru ho pontu tolu no ikus liu Irmão Timor ho pontu zero.

Notísia relevante: Manán Relay 3-0, Zhavia provizóriu lidera grupu A iha kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!