HEADLINE, POLÍTIKA

PM Xanana partisipa IV konferénsia internasionál kona-bá Estadu Illa Ki’ik

PM Xanana partisipa IV konferénsia internasionál kona-bá Estadu Illa Ki’ik

Imajen/Media GPM

DILI, 24 Maiu 2024- Primeiru Ministru (PM), Kay Rala Xanana Gusmão ohin arranka hosi Bali, Indonézia hodi partisipa IV konferénsia internasionál kona-bá Estadu illa ki’ik dezenvolvidu sira iha São João Antígua-Barbuda, ne’ebé hala’o durante loron haat hahú hosi 27 to’o 30 Maiu 2024. Konferénsia ne’e importante tebes tanba iha konferénsia Organizasaun Nasaun Unida (ONU) nian tuir-mai nu’udár konferénsia renovadór, hodi loke paradigma foun bá prosperidade iha Estadu illa ki’ik dezenvolvidu sira perante krize globál.

“líder mundiál sira sei halibur-malu iha IV konferénsia kona-bá Estadu Illa kiik dezenvolvidu sira ka Conference on Small Island Developing States (SIDS4), organiza hosi Antígua-Barbuda, atu aprezenta planu assaun foun ne’ebé konstrui reziliénsia hosi Estadu illa kiik hamutuk 39 atu aborda no alkansa dezafiu sira mundu nian, inklui alkansa Objetivu Dezenvolvimentu Sustentável,” tenik iha nota ne’ebé Agência TATOLI asesu husi media Primeiru-Ministru, ohin.

Konferénsia ne’e realiza iha momentu krítiku tebes bá Estadu illa kiik dezenvolvidu sira (SIDS) ne’ebé ho populasaun kuaze millaun 65.

Nasaun membru sira SIDS nian barak mak seidauk rekopera hosi atake doubradu krize finanseira globál no atake pandemia COVID-19, nune’e mós enfrenta impaktu rápida hosi alterasaun klimátika sira.

Konferénsia durante loron haat ne’e sei aprezenta no diskute hamutuk hodi deskobre inisiativa espesífika sira, buka solusaun konkreta atu bele responde bá dezafiu importante sira SIDS nian, krize klimátika, estragus bá biodiversidade inklui dívida sira ne’ebé aumenta bá beibeik.

Líder mundiál sira sei akompaña hosi seitór privadu sira, sosiedade sivíl no joven sira atu promove ideia foun, levanta promesa foun sira hodi apoia no kobre kestasun krítika sira bá futuru SIDS nian.

Konferénsia ne’e sei loke ho deklarsaun sira ne’ebé mai hosi Sekretáriu-Jerál ONU nian, hosi Prezidente Konferénsia, hosi Prezidente Assembleia Jerál ONU nian, hosi Prezidente Konsellu Ekonómiku no Sosiál ONU nian, hosi Prezidente Aliansa Estadu illa iiik sira, hosi Sekretáriu -Jerál Konferénsia nian, hosi Konselleiru Espesiál Konferénsia nian no reprezentante juventude.

Alende reuniaun plenária ualu, sei realiza mós diálogu interativu lima. Tema hosi diálogu interativu lima ne’e mak hanesan: Revitalizasaun Ekonomia SIDS nian bá kresimentu Aseleradu no Sustentável; Mellora forma krítika sira finansiamentu no apoiu efikásia liu hosi  parseria kolaborativa sira; estabelese fundu bá mudansa klimátiku ne’ebé iha benefísiu bá SIDS.

Baze hosi rezultadu sira COP28 UNFCCC nian; aproveita dadus no teknolojia dijitál sira, konstrui instituisaun sira ho efikáz bá futuru reziliente ida iha SIDS no investe iha kapitál umanu: responde krize saúde iha nasaun sira SIDS nian no dezenvolve poténsia joven sira iha SIDS.

Notisia relevante:Xanana: problema bee-moos iha mundu sai ameasa ba pás-estabilidade internasionál

Jornalista: Hortencio Sanchez

Editor: Florencio Miranda Ximenes

iklan
iklan

Leave a Reply

iklan
error: Content is protected !!