iklan

DILI, HEADLINE

Taur hato’o sentidu lutu ba falesimentu saudozu eis Ministru “Meta Mali”

Taur hato’o sentidu lutu ba falesimentu saudozu eis Ministru “Meta Mali”

Imajen/Eis Titulár Prezidente Repúblika, Taur Matan Ruak.

DILI, 25 maiu 2024 (TATOLI)- Eis Prezidente Repúblika, Taur Matan Ruak, Sesta kalan ne’e, hato’o sentidu Lutu hodi bá direta presta omenajen ba Matebian Saudozu Eis Ministru Asuntu Kombatente Lidertasaun Nasional (MKLN), iha Oitavu Governu Konstituisonál RDTL, Júlio Sarmento ‘Meta-Mali’, iha ninia Rezidénsia Markoni Dili.

Imajen/Media Eis Titulár Taur Matan Ruak

“Lori família nia naran no ha’u rasik hato’o sentidu kondolénsia ba família Saudozu Meta Mali, ne’ebé lakon ema di’ak ida. Husu Maromak atu horik fatin di’ak iha reinu lalehan hodi hetan moris rohan la’ek,” refere nota ne’ebé Agência TATOLI asesu sábadu ne’e.

Saudozu hakotu nia is iha Hospital Nasional Guido Valadares (HNGV), tuku 7:00 dader tanba sofre atake kardiadu.

Tuir oráriu, sábadu ohin sei lori ba vizita Parlamento Nasionál, Sede PD, no misa iha Igreza Balide, hafoin vizita tan gruta Aitori laran mak aranka ba Munisípiu Ainaro, Postu Administrativo Maubise.

Tuir planu Saudozu sei halo’ot ikus iha nia knua moris fatin, suku Horai ki’ik Postu Admnistrativu Maubise, Munisipiu Ainaro domingo Aban.

Notísia relevante:Antigu ministru asuntu kombatente libertasaun nasionál “Meta Mali” hakotu iis iha HNGV

TATOLI

iklan
iklan

Leave a Reply

iklan
error: Content is protected !!