iklan

DESPORTU, HEADLINE

Manán 2-1, Relay FC kompleta jogu ho vitória

Manán 2-1, Relay FC kompleta jogu ho vitória

Jogu Futebol Kopa Maun Boot Kayrala Xanana Gusmão 2024, Relay-Laleia kontra P. Buruma FC, iha estadiun Munisípal Dili, segunda (27/05). Imajen Tatoli/Francisco Sony

DILI, 27 maiu 2024 (TATOLI) – Ekipa istimadu husi Munisípiu Manatuto Relay Laleia FC kompleta ona nia jornada ikus ho vitória hafoin manán FC Pilatos ho eskore 2-1, iha jogu kontiniasaun kopa Maun Boot Kay Rala Xanana Gusmão ne’ebé reliza iha Estádiu Munisipál Dili, segunda lokoraik ne’e.

Maske hetan vitória hodi rekolla pontu tolu maibé Relay labele ona ultrapasa ba oitavu finál tanba lakon dalarua ona iha jogu faze grupu A nian, nune’e ekipa ne’e kandidatu forte atu ultrapasa ba oitavu finál mak Buradu FC ho pontu neen, Zhavia FC ho pontu haat. Enkuantu Relay ho Pilatos obrigado tenke elemina ona husi faze grupu.

Jogu Futebol Kopa Maun Boot Kayrala Xanana Gusmão 2024, Relay-Laleia kontra P. Buruma FC, iha estadiun Munisípal Dili, segunda (27/05). Imajen Tatoli/Francisco Sony

Bainhira árbitru ne’ebé dirije jogu Pedro Braga, juiz liña Antonio Carvalho, Mario Ximenes no árbitru rezerva Candido Babo fó orden jogu la’o ekipa rua lansa kedan kontra no atake ba malu hodi buka se los mak atu hatama uluk golu.

Relay esforsu maka’as maske jogu ne’e ikus ona. Nune’e Pilatos mós halo presaun maka’as nune’e bele prodús golu. Maibé Relay domina liu bola liu hosi jogu modelu ofensivu.

Ho jogu ne’ebé bonitu ikus mai iha minutu 14 jogadór Feliciano Ximenes (27) konsege fura ona rede Pilatos hodi muda rezultadu ba 1-0. Ho golu ne’ebé iha hasa’e liutan Pilatos nia emosaun hodi lansa atake ne’ebé maka’as.

Oportunidade barak mak jogadór Pilatos hetan maibé la ezekuta ho di’ak ikus falla no la bele atu prodús golu. Maske nune’e Pilatos nunka lakon esperansa, hatudu jogu bonitu nu’udar jogadór profesionál.

Adetu sira hatu espresaun iha Jogu Futebol Kopa Maun Boot Kayrala Xanana Gusmão 2024, Laisoru Lai F.C kontra Taibessi F.C, iha estadiun Munisípal Dili, segunda (27/05). Imajen Tatoli/Francisco Son

Esforsu ne’ebé Pilatos halo la hela de’it hanesan esforsu tanba iha minutu 29 jogadór Francisco da Costa (21) responde ona golu ida dudu eskore ba 1-1. Golu ne’e provoka jogu sai manas liutan, iha loromanas laran.

Relay esforsu maka’as atu aumenta golu maibé defeza Pilatos la fó fatin, Pilatos mós esforsu maka’as maibé sempre falla iha lina oin Relay to’o minutu primeira parte termina ekipa rua tenke hela ho empata 1-1.

Haksoit ba segunda parte ekipa rua kontinua lansa kontra no atake ba malu tuir tékniku no abilidade ne’ebé iha. Relay esforsu maka’as maibé seidauk iha oportunidade muda rezultadu.

Pilatos mós lansa atake extraordinariu, sutu barak avansadu sira lansa maibé sempre salva husi defeza no guarda rede Relay ikus nunka akontese golu.

Relay nunka lakon esperansa, kontinua esforsu ikus esforsu sira la hela de’it hanesan esforsu tanba minutu 49 jogadór azidoro Pinto (55) aumenta tan golu ida nakfilak rezultadu ba 2-1.

Golu ne’ebé Azidoro lansa hanesan golu ikus, tanba jogu la’o to’o minutu segunda parte termina laiha tan golu ruma akontese, ikus vitoria hela ba Relay.

Notísia relevanteManán Relay 3-0, Zhavia provizóriu lidera grupu A iha kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!