EDUKASAUN, VIQUEQUE

EBF Maluru enfrenta menus sala aula no laiha morru protesaun

EBF Maluru enfrenta menus sala aula no laiha morru protesaun

Kondisuan atual EBF Maluru Komu iha suku Macadique-Viqueque.Imajen Tatoli/Vitorino Lopes da Costa

VIQUEQUE, 28 maiu 2024 (TATOLI)- Koordenadór Ensinu Báziku Filiál (EBF) Maluru iha suku Macadique, Postu Administrativu Uatulari, munisípiu Viqueque , José Pinto, hateten EBF Maluru menus sala aula no presiza kria morru protesaun hodi proteje edifísiu eskola.

“Durante ne’e ami enfrenta mak kondisaun eskola balun aat ona, sala aula oituan de’it,  tanba ami-nia númeru estudante EBF Maluru komu bo’ot, maibé sala aula  limitadu ba ami hodi akumula estudante sira hodi partisipa iha ensinu apredijazen”, José Pinto, hateten iha salaun Parokia Uatulari, segunda (27/05).

Konstrusaun edifísiu eskola EBF Maluru Komu sala neen ne’ebé  harii iha tempu okupasaun Indonézia, daudaun kondisaun komesa aat ona no edifísiu sala rua  hari’i iha tinan 2007 liuhusi Programa Nasionál Dezenvolviementu Suku (PNDS) ida-ne’e mak kondisaun sala di’ak. Maibé, sala  ualu ne’e  la responde ba númeru estudante na’in-665.

Ho limitasaun ne’e, nia dehan konsege jerr ka fahe estudante ba turnu tolu husi tuku 8:00 to’o tuku 10:00 estudante kompostu husi  terseiru siklu ho priemiru anu, ba ora meudia hahú tuku 10:00 00 to’o tuku 12:00 estudante terseiru anu no lokoraik tuku 12:00  to’o ramata uza husi estudante segundu anu no sestu anu.

“Alternativu fahe oras-ne’e maka ami bele responde tanba ne’e ami hakarak husu Prezidente autoridade munisípiu hodi hatutan ba Governu sentral hodi responde ba ami-nia preokupasaun sira-ne’e”, nia sujere.

Aleinde ne’e,  nia husu ba autoridade munisípiu Viqueque presiza mós kria morru protesaun ba edifísiu eskola tanba eskola iha estrada públiku, nune’e tempu kalan animál sira maka nakunu iha aula-laran.

“Ami tenke hamoos tiha animál sira-nia tee hotu maka ami foin hahú fó lisaun ba ita-nia estudante sira. ida-ne’e sai mós ami-nia prokupasaun  ne’ebé durante ne’e ami hasoru. Ho preokupasuan sira-ne’e espera iha tempu badak autoridade bele fó solusaun ba ami”,  nia hato’o.

Hatán ba preokupasaun ne’e,  Prezidente Autoridade Munisípi Viqueque, Francisco C.S de Gonzaga Soares, hateten preokupasaun ne’ebé EBF Maluru Komu hasoru nia parte sei kanaliza servisu edukasaun munisípiu no sei relata ba Ministériu Edukasuan hodi tau matan ba eskola nia problema.

“Preokupasaun sira-ne’e ha’u sei anota hodi hato’o ba sevisu edukasuan Viqueque no ha’u mós sei ba fó hatene ba Minsitériu Edukasaun hodi haree ba asuntu menu sala aula no morru protesaun ne’ebé EBF Maluru Komu enfrenta”. nia subliña.

Notísia relevante:EBF Vila Nova Baucau menus sala aula no profesór

Jornalista   : Vitorino Lopes da Costa

Editór         : Florencio Miranda Ximenes

iklan
iklan

Leave a Reply

iklan
error: Content is protected !!