EDUKASAUN

Edukasaun Ainaro koloka ona profesór 44 ba eskola 14

Edukasaun Ainaro koloka ona profesór 44 ba eskola 14

Mapa munisípiu Ainaro. Infografia/Octávio Guterres

DILI, 28 maiu 2024 (TATOLI)Servisu Edukasaun munisípiu Ainaro hamutuk ho Autoridade munisípiu Ainaro, koloka ona profesór 44 ba eskola hamutuk 14.

“Profesór ne’ebé Ministériu Edukasaun (ME) koloka ba ami edukasaun Ainaro nian hamutuk 45, maibé ida rejigna-an tiha, entaun hela 44 kompostu husi mane 19 no feto 25, ne’ebé ita koloka ona,” Diretór Servisu Edukasaun munisípiu Ainaro, Patrício da Costa, informa ba Agência Tatoli via telefónika, kuarta ne’e.

Notísia relevante : Edukasaun Ainaro presiza profesór na’in-52 hodi reforsa prosesu ensinu-aprendizajen

Profesór ne’ebé rezigna-an nia naran Zélia Rofina Ramos, hetan destakamentu iha Eskola Bázika Sentrál Manelobas, postu administrativu Maubisse. Razaun retira tanba iha labarik kiik-oan.

Eskola Ensinu Báziku Filiál (EBF) Sarlala Balibo destaka profesór (1), Ensinu Báziku Sentrál (EBC, sigla portugés) Samoro (1), EBF Edy (1), Eskola Realeso (1), EBC Rita (5), EBF Gauloro EBC Rimori (4), EBC Betulala (8), EBC Mausiga (3), EBC Manelobas (7), EBF Fatubesi (1), EBF Lumluli (4), EBF Roslau (3), EBF Fleixa (4).

Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lemos Lopes, husu ba profesór sira atu hala’o knaar ho didi’ak, nune’e bele atinje kualidade edukasaun iha Timor- Leste.

“Iha teste eletrónika bolsa kandidatu ne’e ami asegura transparénsia no kualidade iha prosesu tomak, ne’ebe habiban partisipante bele haree kedas sira-nia valór teste,” nia hato’o.

Ba programa bolsa kandidatu faze dahuluk, ME determina grupu rekrutamentu ka área ensinu hamutuk sia nomós determina kedas ho totál vaga ba kada grupu rekrutamentu.

Jornalista     : Osória Marques

Editora          : Julia Chatarina

iklan
iklan

Leave a Reply

iklan
error: Content is protected !!