iklan

DESPORTU, HEADLINE

AS Kantada FC susesu hadau pontu tolu husi Fortaleza FC

AS Kantada FC susesu hadau pontu tolu husi Fortaleza FC

Jogu Futebol Kopa Maun Boot Kayrala Xanana Gusmão 2024, União Fortaleza kontra AS Kantada FC, iha estadiun Munisípal Dili, kuarta (29/05). Imajen Tatoli/Francisco Sony

DILI, 29 maiu 2024 (TATOLI) – Ekipa AS Kantada FC susesu manán nia adversáriu União Fortaleza FC ho rezultadu 3-1, iha jogu kontinuasaun faze grupu kopa Maun Boot Kay Rala Xanana Gusão ne’ebé realiza iha Estádiu Munisipál Dili, kuarta lokoraik ne’e.

Bainhira jogu la’o ekipa rua lansa kedan kontra no atake ba malu tuir tékniku no abilidade ne’ebé jogadór sira iha. Fintas bola ba mai, pasa husi ain ba ain nune’e buka se los mak atu hatam golu.

Kantada utiliza meiu hotu liuhusi atake ne’ebé brillante hasoru Fortaleza. Fortaleza mós la nonok tenta responde atake ne’ebé Kantada halo ho nune’e jogu la’o másimu liutan.

Jogu Futebol Kopa Maun Boot Kayrala Xanana Gusmão 2024, União Fortaleza kontra AS Kantada FC, iha estadiun Munisípal Dili, kuarta (29/05). Imajen Tatoli/Francisco Sony

Maibé Kantada halo presaun ne’ebé maka’as nune’e iha minutu 40 jogadór Vicente Nortey (3), konsege prodús golu ida hodi muda rezultadu provizóriu ba 1-0.

Golu ne’e hanesan golu ikus ba ekipa rua iha minutu primeira parte tanba to’o minutu termina laiha tan ekipa ida prodús golu nune’e rezultadu provijoriu lidera husi Kantada.

Dolar ba segunda parte ekipa rua nafatin halo presaun ba malu ho maka’as ikus iha minutu 66 jogadór Kantada Nortey kontinua hetan tan oportunidade brillante hodi prodús tan golu ida muda rezultadu ba 2-0. Golu ne’e halo Fortaleza tenke servisu maka’as liutan nune’e bele responde netik golu ruma.

Atake barak mak Fortaleza halo maib’e atake hirak ne’e hela de’it hanesan atake tanba seidauk prodús golu ruma. Jogu la’o manas liutan, nune’e iha minutu 75 jogadór Kantada hetan tan oportunidade liu husi jogadór Pascoal Fernandes (9)  hodi hametin rezultadu Kantada nian ba 3-0.

Ho golu ne’ebé Kantada prodús halo Fortaleza sente la konfortavél, kontinua servisu maka’as, halo mudansa ba estratejia jogu ikus iha minutu 79 jogadór Andre Peixote (14) responde duni golu ida hodi muda rezultadu ba 1-3, Fortaleza esforsu nafatin atu aumenta golu maibé Kantada la fó fatin to’o minutu termina vitoria hela ba Kantada basa lidera jogu ho 3-1.

Husi rezultadu ne’e lori Kantada lidera provijoriu grupu D ho pontu neen, Jomar FC iha pozisaun segundu ho pontu haat, pozisaun terseiru Fortaleza ho pontu tolu no ikus liu Dark Blue ho pontu zero.

Jogu ne’e dirije husi árbitru prinsipál Eufrasio Silva, juiz liña Gabriel Pereira, Henrique Salsinha no árbitru rezerva Pedro Braga.

Notísia relevante: Klube Zhavia FC empata ho Pilatus Buruma FC iha jogu kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!