EKONOMIA, HEADLINE

MTK rekolla reseita millaun $2-resin iha trimestre dahuluk 2024

MTK rekolla reseita millaun $2-resin iha trimestre dahuluk 2024

Diretór Jerál Administrasaun no Finansa MTK, Aniceto Leto Soro. Imajen Tatoli/Egas Cristóvão

DILI, 31 maiu 2024 (TATOLI)–Ministériu Transporte no Komunikasaun (MTK) iha trimestre dahuluk (janeiru to’o marsu) 2024 rekolla reseita $2.639.168,17 ba kofre Estadu.

“Reseita ne’e mai husi atividade sira iha diresaun hitu iha MTK hanesan Diresaun Nasionál Transporte Terrestre (DNTT) ne’ebé halo rejistu veíkulu, xapa matrikula, karta kondusaun no seluk tan hamutuk $1.494.851,” Diretór Jerál Administrasaun no Finansa MTK, Aniceto Leto Soro, informa ba Agência Tatoli, iha ninia knaar fatin MTK, Caicoli, sesta ne’e.

Reseita husi Autoridade Nasionál Aviasaun Timor-Leste (ANATL) hanesan airport tax, landing fee, kartaun asesu, parking fee no seluk tan hamutuk $788.623,46.

Enkuantu, Autorodade Portuáriu Timor-Leste (APORTIL) hamutuk rekolla reseita sira maihusi ró-ahi, ró-besi, Berlin Ramelau, Berlin Nakroma, Succes Express no seluk hamutuk $244.940,79.

Notísia relevante : MTK no ADB lansa Planu Mestre Transporte Públiku Timor-Leste

Autoridade Nasionál Komunikasaun (ANC, sigla portigés) rekola reseita atividade hanesan aplication fee, annual regulatory fee no seluk tana hamutuk $93.446,84.

Diresaun Nasionál Infraestrutura Komunikasaun (DNIK) rekola atividade husi TRF to main account, dark fibra optic Timor Telecom no Telekomcel hamutuk $9.312,43.

Autoridade Aviasaun Sivíl Timor-Leste (AACTL, sigla portugés) rekolla reseita husi atividade sira hanesan inskrisaun, aeronavegabilidade, lokasaun aeronaves, segurasansa fasilitasaun aviasaun, validasaun lisensa estranjeira no seluk tan hamutuk $1.980 no Diresaun Nasionál Portál rekolla husi karta rejistadu no kaixa postál enkomenda no seluk tan hamutuk $6.031,65.

“Ita konta hamutuk reseita husi tinan-2023 no 2024 hamutuk $13.670.512,29,” nia informa.

Ezekusaun orsamentu

MTK hetan alokasaun hamutuk $12.147.630 iha Orsamentu Jerál Estadu (OJE), kompostu husi saláriu no vensimentu $3.150.647, bens no servisu $5.428.108, transferénsia públika $1.749.500, kapitál menór $134.150 no kapitál dezenvolvimentu $1.685.225.

Hosi orsamentu ne’e aloka ba programa transporte $ 3.341.227, programa funsionamentu no dezenvovimentu programa serbisu postál $416.991, programa instituisionál $4.952.107, inkluzaun sosiál $33.180, programa teknolojia informasaun no komunikasaun $2.810.634 no programa meteorolojia no jeofízika $593.491.

“Orsamentu $12.147.630 iha trimestre dahuluk husi janeiru to’o marsu 2024 ami halo ona ezekusaun reál ne’e hamutuk $2.433.372,98 (26%),” Diretór Jerál Aniceto Leto Soro, informa.

Aleinde ne’e, iha mós obrigasaun ne’ebé atu tama ba reál hamutuk $728.478,39 no komprimísiu ne’ebé atu halo pagamentu $1.911.306,46.

“Ida ne’e mak ami-nia kondisaun daudaun, ezekusaun orsamentu ne’e sei kiik tanba prosesu aprovizionamentu sira daudaun la’o hela, ne’ebé hanoin ba trimestre daruak nian mak ezekusaun foin sa’e 50% tuir planu prioridade sira ne’ebé ita determina ona,” nia otimista.

MTK iha hetan alokasaun $11.558.253 iha OJE 2024, ne’ebé iha tinan nia rohan ninia ezekusaun hamutuk $10.848.818,76 (87,8%).

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!