iklan

INTERNASIONÁL, DILI, HEADLINE

Aban, ekipa avansadu Vatikanu observa fatin ba preparasaun misa 

Aban, ekipa avansadu Vatikanu observa fatin ba preparasaun misa 

Reprezentante Estadu Vatikanu iha Timor-Leste, Núnsiu Apostóliku, Monseñor Marco Sprizzi. Imajen /Egas Cristovão

DILI, 02 juñu 2024 (TATOLI)– Aban, ekipa avansadu Vatikanu hamutuk ho Governu no Igreja lokál observa fatin ba preparasaun misa ne’ebé sei dirije husi Papa Francisco.

Núnsiu Apostóliku Vatikanu iha Timor-Leste, Monseñor Marco Sprizzi, hateten, en enkontru hodi hato’o ba Prezidente Repúblika, José Manuel Ramos Horta, iha Palásiu Prezidente Nicolau Lobato.

“Enkontru aban hodi haree fatin sira no hamutuk mós ho ekipa igreja lokál no Kardeál, ba esforsu Governu Timor no igreja nian. Ho entusiazmu boot povu nian, entaun ita hakarak korresponde entusiazmu ida-ne’e atu ema hotu hetan kondisaun di’ak hodi bele marka prezensa iha Dili hodi simu Amu Papa iha Timór. Entaun Papa sei hasoru povu no povu sei hasoru Papa Francisco,” Núnsiu Apostóliku Vatikanu iha Timor-Leste, Monseñor Marco Sprizzi, dehan ba jornalista sira, hafoin enkontra ho Xefe Estadu.

Hanesan Prezidente Repúblika esplika asuntu ida tékniku kona-ba delegasaun ne’ebé mai tiha ona iha janeiru, maske seidauk iha anunsiu ofisiál kona-ba vizita Santu Padre.

“Depois anunsiu ofisiál, sira mai hamutuk 16, hanesan seguransa, mídia ne’ebé sei servisu hamutuk ho Governu hahú aban”, Marco Sprizzi hateten.

Iha fatin hanesan, Prezidente Repúblika, José Manuel Ramos Horta dehan, ohin ho ekipa avansadu vatikanu hodi ko’alia kona-ba misaun grande, misaun tékniku hosi parte Santa Se Vatikanu nian.

Notísia relevante: Papa Francisco prezide misa solene iha Tasi-Tolu, igreja prepara ministru estraordináriu 4.000 

Jornalista: Osória Marques

Editór: Evaristo Soares Martins

iklan
iklan

Leave a Reply

iklan
error: Content is protected !!