SAÚDE, VIQUEQUE

Estoke ai-moruk menus iha postu saúde Kararas

Estoke ai-moruk menus iha postu saúde Kararas

Responsavél Postu Saúde Kararas, suku Bibileo, postu Viqueque Vila, munisípiu Viqueque, enfermeiru, Jacob Soares Sarmento. Imajén Tatoli/Vitorino Lopes da Costa.

VIQUEQUE, 03 juñu  2024 (TATOLI)-  Responsavél Postu Saúde Kararas, suku Bibileo, postu Viqueque Vila, munisípiu Viqueque,  Enfrermeiru Jacob Soares Sarmento, informa estoke ai-moruk menus iha postu saúde Kararas ,nune’e difikulta pesoál saúde fó atedimentu ba pasiente sira.

“Problema ne’ebé mak daudaun ami hasoru maka ai-moruk, iha ami-nia postu saúde limitadu tebe-tebes. Entaun ami-nia atendimentu ba ita-nia abitante sira tuir nesesidade medikamentu ne’ebé ami iha. Nune’e medikamentu ne’ebé laiha ami labele fó atendementu”, Jacob Soares, hateten ba Agência Tatoli, iha postu Viqueque, ohin.

Notisia relevante:INFPM aloka millaun $4.2 atu sosa aimoruk

Jacob konta, hahú janeiru to’o agora medikamentu ne’ebé laiha mak hanesan antibiotika esensiál liu amoxicillin, perdnison no  dexametasone, parcetamol, analgesic no seluk tán.

“Kona-ba pedidu relatóriu (and suplayer)  ai-moruk nian sempre relata kada fulan, maibé estoke ai-moruk mak laiha duni husi munisípiu to’o nasionál. Dala ruma ita-nia abitante sira mai konsulta presiza ai-moruk, maibé  laiha hakarak ka lakohi sira tenke sosa klinika sira iha Viqueque”, nia hato’o.

Maske, estoke ai-moruk menus, maibé atendimentu  ba pasiente sira iha postu saúde referidu kada loron hahú segunda to’o sesta.

Daudaun ne’e, kazu ne’ebé rejista númeru a’as mak hanesan moras  Insfesaun Respiratóriu Aguda (ISPA)  ho totál 400  resin mai husi husi klima no ambiente, inklui isin katar ho númeru 50 resin.

Tuir dadúr pesoal saúde iha postu saúde Kararas kompostu enfermeiru na’in-rua no parteira na’in-ida ne’ebé loron-loron fó atendimentu ba abitante sira suku Bibileo, suku Uma-Ki’ik no Uaimori ne’ebé hela besik iha postu saúde Kararas.

Notisia relevante:Komisaun F halo fiskalizasaun urjente ba INFPM haree problema aimoruk “stock out”

Jornalista   : Vitorino Lopes da Costa

Editór         : Florêncio Miranda Ximenes

iklan
iklan

Leave a Reply

iklan
error: Content is protected !!