DESPORTU, HEADLINE

Coach Eleven ‘tebe sai’ Naimeco FC ho rezultadu 4-1 iha kopa Xanana

Coach Eleven ‘tebe sai’ Naimeco FC ho rezultadu 4-1 iha kopa Xanana

Jogu Futebol Kopa Maun Boot Kayrala Xanana Gusmão 2024, Coach Eleven kontro Naimeco FC, iha estadiun Munisípal Dili, tersa (04/06). Imajen Tatoli/Francisco Sony

DILI, 03 juñu 2024 (TATOLI) – Ekipa Coach eleven susesu ‘tebe sai’ ekipa istimadu husi Rejiaun Administrativu Espesiál Oe-Cusse Ambeno (RAEOA) Naimeco FC ho rezultadu 4-1,  iha jogu kontinuasaun faze grupu kopa Maun Boot Kay Rala Xanana Gusmão ne’ebé realiza iha Estádiu Munisipál Dili, tersa loraik ne’e.

Husi vitória ne’ebé Eleven hetan ne’e mantein no lidera grupu C nian. Nune’e impede totál Naimeco labele ultrapasa ona ba faze 16 finál.

Bainhira jogu la’o ekipa rua lansa kedan kontra no atake ba malu hodi buka meiu oioin atu hatama golu nune’e bele hadau pontu tolu husi jogu ne’e.

Coach eleven lansa atake ne’ebé másimu tebes kontra Naimeco. Naimeco mós lakoi lakon hamate tutuir jogu ne’ebé Eleven halo. Maibé ho atake ne’ebé maka’as iha minutu 12 jogadór Eleven Castelo Branco (11) susesu fura ona rede Naimeco lori rezultadu halai ba 1-0.

Golu ne’e halo Naimeco tenke servisu liutan iha kampo laran. Servisu ne’ebé Naimeco iha la hela de’it hanesan servisu iku iha minutu 23 jogadór Xavier Bait (10) konsege responde golu ida muda rezultadu ba 1-1.

Naimeco nafatin servisu maka’as, lansa presaun hasoru Eleven, maibé Eleven halo mudansa ba jogu iha lina klaran ikus fó duni rezultadu di’ak tanba iha minutu 30 jogadór João Pedro (22) konsege hatama tan golu ida muda rezultadu ba 2-1. Golu ne’e halo Eleven nia espiritu nakonu liutan iha kampo laran.

Maibé minutu primeira parte nian remata rejultadu hela provijoriu 2-1, nune’e jogadór sira tenke deskansa lai minutu 15 hafoin kontinua fali iha jogu segunda parte.

Dolar ba segunda parte ekipa rua nafatin mantein ho ritmu jogu ne’ebé iha, maibé Eleven hatudu forsa ne’ebé másimu ikus iha minutu 46 jogadór Expedito Conseição (10) fura tan rede Naimeco muda rezultadu ba 3-1.

Naimeco la nonok de’it nafatin hala’o jogu ho másimu, maibé sempre falla iha lina defeza Eleven nian, ikus Naimeko labele prodús golu no mantein ho rezultadu 1-3.

Eleven lakoi hela de’it ho rezultadu ne’ebé iha, kontinua lansa atake ne’ebé extraordinariu hasoru Naimeco ikus servisu hotu ne’ebé Eleven iha fó duni rezultadu ba sira liu husi jogadór Miro Baldo Bento lansa tan golu ida muda rezultadu ba 4-1 iha minutu 59. Golu ne’e hanesan golu ikus ba ekipa rua tanba to’o minutu jogu termina laiha tan golu ruma akontese vitoria prega metin ba Eleven.

Vitoria ne’e lori Eleven sai manán na’in permanente iha faze grupu tanba lidera grupu C ho pontu sia, Fitun Ramelau FC mak tur iha segunda lina ho pontu neen no ekipa rua ne’e konfirmadu ona avansa ba 16 finál. Enkuantu ekipa rua seluk Naimeco no Sousa United FC labele hakat ona ba oin tanba hetan de’it pontu ida.

Jogu ne’e lidera husi árbitru prinsipál Efrasio Silva, juiz liña Pedro Santiago, Silbiano Vieira no árbitru rezerva Pedro Braga.

Notísia relevante: Kopa Xanana: Hera United FC “dere” Lecidere FC 4-0

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!