DESPORTU, HEADLINE

Dark Blue FC termina jogu ho triste, Jomar FC Festa golu

Dark Blue FC termina jogu ho triste, Jomar FC Festa golu

Jogu Futebol Kopa Maun Boot Kayrala Xanana Gusmão 2024, Dark-Blue FC kontra FC Jomar, iha estadiun Munisípal Dili, kuarta (05/06). Imajen Tatoli/Francisco Sony

DILI, 05 juñu 2024 (TATOLI) – Ekipa istimadu husi Munisipiu Liquiça Dark Blue FC obrigadu tenke termina jogu ho triste basa adversáriu Jomar FC festa golu ba ekipa Liquiça ne’e ho rezultadu 3-9, iha jogu faze grupu kopa Maun Boot Kay Rala Xanana Gusmão ne’ebé realiza iha Estádiu Munisipál Dili, kuarta loraik.

Bainhira jogu la’o ekipa rua iha ambisaun ne’ebé forte atu manán jogu ne’e. Dark Blue halo atake ne’ebé másimu hasoru Jomar. Jomar mós la nonok responde atake ne’e ho velosidade maka’as halo jogu sai rame liu iha minutu primeiru nia laran.

Oportunidade barak Jomar hetan maibé sempre falla iha finalidade nune’e seiauk bele rezulta golu ba Dark Blue. Dark Blue mós hetan oportunidadeubuk ida maibé defeza Jomar tenta hasai bola husi kampo laran halo Blue labele manán bola.

Jogu Futebol Kopa Maun Boot Kayrala Xanana Gusmão 2024, Dark-Blue FC kontra FC Jomar, iha estadiun Munisípal Dili, kuarta (05/06). Imajen Tatoli/Francisco Sony

Jogu la’o ho barullu minutu la’o ho kalma, Jomar esforsu maka’as ikus iha minutu 8 jogadór José Santos (7) lansa ona golu primeiru muda rezultadu ba 1-0. Golu ne’e halo Blue tenke haka’as aan. Ikus iha minutu 10 jogadór Jomar la antisipa ho di’ak bola kona ba defeza ne’e nia liman iha kedan grande área laran árbitru deside fó penalidade.

Penalidade ne’e ezekuta husi jogadór avansadu Anizio Correia (23), sutu ne’ebé Anizio halo, guarda rede Jomar halai sala ikus bola tama liu ba rede laran muda rezultadu ba empata 1-1.

Golu ne’e halo jogu sai rame liutan, jogadór ekipa rua duni malu ba mai ho bola la sente kole tanba hakarak hadau de’it pontu tolu. Iha esforsu ne’e Jomar maka’as liu, nune’e iha minutu 17 jogadór Verito Fragasso (26) les tan golu ida muda rezultadu ba 2-0. Jogu manas no Jomar domina liutan bola.

Ho domina ne’ebé Jomar iha la lakon le’et de’it tanba iha minutu 29 jogadór Inosencio Pereira (9) lansa tan golu ida muda rezultadu ba 3-1. Maske nune’e Jomar la fó nia frakeza ba Blue iha minutu 31 jogadór José Santos prodús tan golu ida muda rezultadu ba 4-1 halo blue susar liutan iha sira nia jogu.

Maibé Blue nunka lakon esperansa nafatin hatudu jogu bonitu, nune’e iha minutu 35 Blue hetan oportunidade di’ak liu husi jogadór Frentelino dos Santos (27) fura rede Jomar nakfilak rezultadu ba 2-4.

Golu ne’e seidauk naton ba Blue nafatin luta oinsa halo empata jogu ne’e, maibé Blue rasik nia forsa la to’o ho Jomar ikus iha minutu 42 jogadór José Santos halo tan golu ida muda rezultadu ba 5-2. Golu ne’e halo terus tan Blue iha kampo laran. Blue tenke servisu maka’as liutan, maibé to’o minutu primeira parte termina laiha golu ruma akontese ba ekipa rua nune’e ekipa rua tenke deskansa minutu balu hodi hein qa jogu segunda parte.

Dolar ba segunda parte jogadór ekipa rua nafatin lansa kontra no atake ba malu tuir tékniku no abiliade ekipa idaidak nian. Maibé Jomar hatudu nia kbiit ne’ebé extraordinariu hodi halo terus liutan Blue iha kampo laran.

Jogu la’o to’o mintu 47 jogadór Gudwin Adikha (17) lansa tan golu ida muda rezultadu ba 6-2. Maibé liu de’it minutu ida iha minutu 48 Jomar hatudu jogu bonitu liu husi jogadór José Santos hatama tan golu ida muda rezultadu ba 7-2. Blue dada iis naruk iha kampo laran, sente terus liu ona tanba Jomar halo presaun ne’ebé maka’as.

Jogu la’o to’o minutu 66 jogadór José Santis dere tan golu ida muda rezultadu ba 8-2, maske nune’e Blue nafatin hatudu profesionál jogu, la rende biar han ona golu barak.

Jomar la satisfáz ho golu ne’ebé iha, sira nafatin halo presaun maka’as atu aumenta golu, ikus iha minutu 68 jogadór Nicolau Cruz (13) termina Jomar nia golu ikus hodi muda rezultadu ba 9-2. Jogu la’o manas liutan nune’e iha minutu 75 defeza Jomar halo falla tan iha lina oin Jomar nian ikus árbitru fó tan penalidade ba Blue hodi sutu livre.

Penaliade ne’e sutu husi Anizio Correia ikus bola tama duni ba rede Jomar nia laran muda rezultadu ba 3-9. Golu ne’ebé Anizio ezekuta hanesan golu ikus ba ekipa rua tanba to’o minutu normal termina rezultadu mantein ho 9-3, vitoria hela ba Jomar no Blue fila ho tristeza.

Jogu ba ekipa rua hanesan jogu ikus faze grupu nian no Jomar rekolla pontu tolu hodu aumenta nia pontu ba hitu, nune’e tabela klasufikasaun grupu D lidera husi Jomar, pozisaun segundu AS Kantada ho pontu neen, no pozisaun terseiru União Fortaleza ho pontu tolu no ikus liu Dark Blue FC ho pontu zero. Nune’e ekipa Fortaleza no Blue tenke elemina ona husi faze grupu, Jomar ho Kantada mak ultrapasa ba 16 finál.

Notísia relevante:Kopa Xanana: Hera United FC ‘dere’ Lecidere FC 4-0

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!