Ekipa grupu traballu aprezenta roteiru hadia setór justisa ba Governu

DILI, 05 juñu 2024 (TATOLI) – Koordenadora  Grupu Traballu ba Reforma Setór Justisa (GTRSJ), Lúcia Lobato hamutuk ho ekipa aprezenta ba Governu kona-ba planu asaun atu hadi’a setór Justisa iha Timor-Leste.

“Grupu Traballu ba Reforma Setór Justisa ne’e aprezenta ona roteiru ida atu hadi’a setór justisa, trasa prioridade no identifika rekomendasaun no medida lubuk ida ne’ebé Governu tenke adota hodi hametin sistema judisiál,” tenik iha nota ne’ebé Agência TATOLI asesu husi media Gabinete Primeiru-Ministru, kuarta ne’e.

Konsellu Ministrus debate rekomendasaun sira ne’ebé aprezenta, no reafirma ninia apoiu ba GTRSJ atubele kontinua sira-nia serbisu ho objetivu atu adota reforma sira ne’ebé presiza.

Notísia relevante:Ekipa Traballu Reforma Justisa submete ona relatóriu finál ba PM

Jornalista: Hortencio Sanchez

Editór: Florencio Miranda Ximenes