EDUKASAUN, HEADLINE

Reitór UNTL rekoñese daudaun menus dosente

Reitór UNTL rekoñese daudaun menus dosente

Edifísiu Fakuldade Siénsia Sosiál, UNTL. Imajen/Espesiál

DILI, 05 juñu 2024 (TATOLI)–Reitór Universidade Nasionál Timor-Lorosa’e (UNTL), João Martins, rekoñese menus dosente, tanba ne’e halo jestaun di’ak hodi bele kompleta oras ensinu.

“Fakuldade menus dosente mak hanesan Fakuldade Medisina, Fakuldade Agrikultura no Saúde Animál, Floresta, no Peska, inklui Fakuldade Enjeñaria, Siénsia no Teknolojia. Tanba ne’e, jestaun ne’e tenke halo duni, tanba ami menus rekursu umanu, maibé iha rejime jerál no rejime espesiál ba dosente sira, nune’e ami halo jestaun ho di’ak no bele jere dosente,” Reitór informa ba Agência Tatoli, iha salaun Komisaun Nasionál Eleisaun (CNE, sigla portugés), Caicoli, kuarta ne’e.

Notísia relevante : UNTL tinan ne’e sei fó graduasaun ba estudante 1.729

Nia dehan, jestaun sai preokupasaun ba institutu hotu-hotu, sa tán UNTL presiza halo jestaun di’ak hodi bele jere dosente, la’ós profesór permanente de’it maibé profesór ho parte tempu no kontratadu sira.

“Durante ne’e ami halo di’ak, kestaun mak halo rekrutamentu ba dosente presiza hetan aprovasaun hosi Komisaun Funsaun Públika (KFP) no husi Governu. Neste momento, ita seidauk iha autorizasaun atu halo rekrutamentu tanba tinan-rua ba kotuk, ita planu rekruta dosente 51 maibé só 27 de’it mak kumpre rekezitu, entaun hela 24. Tinan oin, ita propoin fali  maibé Governu kansela. Atu taka ida-ne’e, ita rekruta profesór kontratadu sira hodi prenxe hela fatin mamuk sira,” João Martins, relata.

Regra UNTL ne’ebé estabelese, mínimu kursu ida iha dosente 12 maibé to’o agora iha kursu balun seidauk kompleta. Enkuantu, totál dosente iha UNTL daudaun ne’e iha 420, maibé hamutuk ho profesór kontratadu hamutuk 600.

Jornalista     : Osória Marques

Editora          : Julia Chatarina

iklan
iklan

Leave a Reply

iklan
error: Content is protected !!