iklan

DESPORTU, HEADLINE

Assa FC ‘dere’ Irmão Timor FC ho eskore 3-2

Assa FC ‘dere’ Irmão Timor FC ho eskore 3-2

Jogu Futebol Kopa Maun Boot Kayrala Xanana Gusmão 2024, ASSA FC kontra FC Irmão Timor, iha estadiun Munisípal Dili, kinta (06/06). Imajen Tatoli/Francisco Sony

DILI, 06 juñu 2024 (TATOLI) – Ekipa Assa FC susesu rekolla tan pontu tolu bainhira ‘dere’ adversáriu Irmão Timor FC ho eskore 3-2, iha jogu faze grupu kopa Maun Boot Kay Rala Xanana Gusmão ne’ebé realiza iha Estádiu Munisipál Dili, kinta loraik ne’e.

Bainhira jogu la’o ekipa rua lansa kedan kontra no atake ba malu tuir tékniku no abilidade ekipa idaidak nian nune’e bele prodús golu.

Assa hatudu jogu ne’ebé ho velosidade maka’as oinsa bele manán jogu ne’e. Enkuantu Irmão Timor mós la nonok lansa atake ne’ebé adekuadu hasoru Assa.

Adeptus sira hatu asaun iha Jogu Futebol Kopa Maun Boot Kayrala Xanana Gusmão 2024, FC Ostico kontra AC Laloran FC, iha estadiun Munisípal Dili, kinta (06/06). Imajen Tatoli/Francisco Sony

Ho forsa ne’ebé hanesan iha minutu primeira parte termina laiha ekipa ida mak prodús golu, nune’e ekipa rua tenke empata 0-0.

Dolar ba segunda parte ekipa rua jatudu jogu ne’ebé bonitu, nune’e iha minutu 41 jogadór Irmão Timor Rui da Costa (7) les ona golu primeiru muda rezultadu ba 1-0. Golu ne’e halo Assa tenke servisu maka’as nune’e liu de’it minutu ida iha minutu 42 jogadór Assa José Rodrigues (21) responde kedan golu ida muda rezultadu ba 1-1.

Golu ne’e halo jogu sai rame liutan. Assa halo presaun ne’ebé ho ambisaun atu manán jogu ne’e. Irmão Timor mós lakoi lakon hatudu jogu brillante maibé Assa sempre hamate tutuir jogu ne’ebé Irmão Timor halo nune’e Irmão Timor falla kedan iha finalidade.

Ho esforsu ne’ebé Assa iha ikus minutu 49 jogadór José Rodrigues fura tan rede Irmão Timor hodi muda eskore ba 2-1. Golu ne’e halo Irmão Timor nia tensaun jogu sa’e liutan, maibé Assa la fó fatin.

Haree ba Assa halo presaun maka’as, Irmão Timor halo mudansa ba estratejia jogu ikus iha minutu 58 jogadór Norberto Ximenes (9) responde tan golu ida hodi muda rezultadu ba 2-2.

Irmão Timor tenta ho maneira oioin oinsa atu aumenta tan golu, maibé Assa sempre hamate tutuir jogu ne’ebé Irmão Timor halo, nune’e hamate kedan mós mehi Irmão Timor atu prodús golu.

Assa nunka lakon esperansa nafatin hatudu jogu nune’e iha minutu 68 jogadór Orcelio Nobelito (11) halo tan golu ida muda rezultadu ba 3-2 hodi hametin Assa nia vitoria.

Nune’e to’o jogu termina vitoria hela ba Assa hodi rekolla pontu tolu no Irmão Timor hela ho derrota. Vitoria ne’e lori Assa hetan ona pontu hitu tur iha pozisaun segundu tabela klasifikasaun grupu G. Warikoan okupa pozisaun primeiru ho pontu hitu, nune’e ekipa rua ne’e mak konfirmadu avansa ba 16 finál. Enkuantu Irmão Timor ho Bairro da Paz tenke sai husi grupu tanba pontu la to’o.

Notisia relevante:Coach Eleven ‘tebe’ Naimeco FC ho rezultadu 4-1 iha kopa Xanana

Jornalista: Hortencio Sanchez

Editór: Florencio Miranda Ximenes

iklan
iklan

Leave a Reply

iklan
error: Content is protected !!