DILI, 07 juñu 2024 (TATOLI)—Komisaun Funsaun Públiku (KFP) daudaun ne’e prepara hela proposta aprezenta alternativa balun ba idade reforma funsionáriu públiku.
“Ita seidauk iha desizaun ba reforma ne’e husi tinan saida, konserteza husi ita-boot sira akompaña iha Konselu Ministru semana kotuk ne’ebé define tinan reforma hahú houi tinan-60, maibé ami mós sei aprezenta alternativa balun mak tinan 60, 65, 68 no seluk tan. Ami sei aprezenta razaun ba desizaun sira kona-ba idade reforma,” Prezidente KFP,” Prezidente KFP, Agostinho Letêncio de Deus, informa ba Agência Tatoli, Balide, sesta ne’e.
Notísia relevante : Governu determina limite idade serbisu funsionáriu públiku no ajente administrativu
Karik baze ba tinan-60, signifika iha ona ema 4.000-resin, ne’ebé númeru ne’e iha profesór iha kuaze 2.000, bainhira konta husi tinan-65 mak ema menus husi 4.000-resin.
Relasiona ho asuntu ne’e, iha semana rua kotuk liubá KFP aprezenta iha Konsellu Ministru atu husu autorizasaun ba Parlamentu Nasionál, nune’e Governu bele diskute ona prosesu reforma.
“Bainhira fó ona autorizasaun mak natureza hahú autoriza ne’e ita sei iha loron-180 ba Governu mak Komisaun Funsaun Públika aprezenta dekretu-lei ka regulamentu ne’ebé nesesita ba asuntu ne’e. Presosu ne’e iha hela Konsellu Ministru no Parlamentu Nasionál. Hein bainhira finaliza, ami preparadu,” nia dehan.
Jornalista : Osória Marques
Editora : Julia Chatarina
