iklan

SAÚDE

Ai-moruk item 176 husi Austrália-Indonézia-Malázia sei tama iha Timor-Leste

Ai-moruk item 176 husi Austrália-Indonézia-Malázia sei tama iha Timor-Leste

Ministériu Saúde halo hela verifikasaun ba ai-moruk no soru-been hamutuk kaixa rihun 180 ne’ebé empreza Sali-Magu Unipesoal, Lda, hatama ba Insitutu Nasionál Farmasia no Produtu Medikamentu (INFPM), kuarta (29 maiu 2024). Imajen Tatoli/Jesuina Xavier.

DILI, 11 juñu 2024 (TATOLI)–Diretór Ezekutivu Institutu Nasionál Farmasia no Produtu Medikamentu (INFPM), Brígido Simão Dias, hateten iha juñu nia klaran (23/06) no iha fulan-jullu, ai-moruk item 176 husi Austrália, Indonézia no Malázia sei tama iha Timor-Leste.

Ai-moruk sira-ne’e sosa husi empreza sira hanesan Belsanto Farmacia Unipesoál, Lda, Salme Tilis Unipesoál, Lda, Kalbe Unipesoál, Lda, no konta mós apoiu hosi Fundu Nasaun Unida ba Popualsaun (UNFPA).

“Ita iha item medikamentu ne’ebé iha hela prosesu deliberasaun atu tama mai ho totál item 176 ne’ebé mak rai iha armazen INFPM mak item sira-ne’e mak tama hotu mai. Ita bele redús ai-moruk stock out to’o 15%. Entaun, INFPM mak redús to’o 15%, iha fasilidade saúde sira-ne’e ita bele redús maizumenus 9%,” Diretór Ezekutivu Institutu Nasionál Farmasia no Produtu Medikamentu (INFPM), Brígido Simão Dias, hateten jornalista sira liuhosi konferénsia imprensa, iha Kampung Alor.

Atalmente, iha INFPM estoke ai-moruk disponível 76% no ai-moruk stock out iha 24%, ne’ebé sei aas uitoan tuir padraun Organizasaun Mundial Saúde (OMS), maibé iha fulan kotuk ne’e iha ai-moruk stock out ne’e iha 31%.

Stock out normál tuir mak menus hosi 20% ne’ebé ideal., maibé Governus sei ita sei rezolve etapa pur etapa,”, nia esplika.

Iha fatin hanesan, Diretór Aproviziomentu iha INFPM, Mariano da Silva, hateten INFPM iha tan item ai-moruk 50 ne’ebé iha hela faze de avaliasaun hodi bele hatama mai, no husi item 50 ne’e, sei aumenta ba iha item 176 ne’ebé iha hela prosesu deliberasaun.

Hosi janeiru to’o agora, empreza sira hatama ai-moruk ba INFPM item hamutuk 863 ne’ebé kompostu husi item sira kompostu husi ai-moruk esensial, nesesariu no vital inklui konsumavel, reajentes ne’ebé distribui ona ba Hosipital Nasionál Guido Valadares (HNGV), ospitál rejionál no sentru no postu saúde sira.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!